IBRANI 6:13 - Tanou Moonsoi Timugon

¹³ Paat ri Aki Kapuuno' nangani' ra bantu' ri Abragam, nagibot Io ra atan ondo' baalon Nano totopot masauk. Kolondo' sangulun pana maayo kuasa' intor Riso, ginio ra inggalan Nano ayuk galama' inalap Nano ra Io nagibot i:

IBRANI 6:13 ပူးပေါင်းရင်းမြစ်များ

1 TUNUNG RU BANSA' ISRAIL 16:16

nabantuan ondo' binaal Nano ri Abragam, am bantu' Nano ri Isak,

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

JIRIMIA 22:5

Kaa' amon ru kalo gumagaya' kau ra susuban Kuno, magibot Aku ra istana ti masauk ra mapuut. Aku, Tuhan nakaindagu noyo.

JIRIMIA 44:26

Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

JIRIMIA 49:13

Aku galama' nagibot noyo ra bandar Bojra masauk ra tana' kaagisan ondo' makalalaa'. Ulun makakurit riso am alapon inggalan nano koson ra pagulasan. Pekan-pekan giu' ra liliut nano pana malunsai ra sabubuoi no. Aku, Tuhan nakaindagu noyo.”

YEHEZKIEL 32:13

Potoyon Ku bibiag tinambiag muno giu' ra kiing ru sungoi-sungoi. Ulun pana am niayuk bibiag kalo boo mampalutok ra timug ru sungoi.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

LUKAS 1:73

Nagibot am nambantu' Io ri Abragam, kinamatuaan takali, mamayag Io ritakau intor ra pantula' takano, maa' raginio makakau' takau mangandoi Riso,

GALATIA 3:15

Pabukat kau ngaangai', moonsoi alapon ku ra popogondoon atan ondo' nailian takau ra moonong orou. Amon ru mokoondo' ruo ngaulun nangiou ra rondo' baal koson nanulis ra rondo' surat nabantuan, kolondo' sangulun pana makapampalulu' kapoam makapamparuang ra atan ayuk ondo' binantu' raginio.

GALATIA 3:18

Amon ru barakat ondo' pinataakan ri Aki Kapuuno' no pakulawiton poyo ra Ukum ri Musa, ginio sala' ka boo maya' ra nabantuan ri Aki Kapuuno'. Kaa' Io totopot nambaal noyo ra bantu' ti am pataako' No ginio ri Abragam.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”