IBRANI 6:12 - Tanou Moonsoi Timugon

¹² Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

IBRANI 6:12 ပူးပေါင်းရင်းမြစ်များ

AMSAL 12:24

Mapirot mangandoi mapasauk ra ulun makakuasa', kaa' matiar mangkinibit ra ulun masauk ra ulipon.

AMSAL 13:4

Ulun matiar ondo' masuang gogoton, kalo masugut no. Ulun mamaan kalindu' makaalap ra atan ayuk gogoton no.

AMSAL 15:19

Ulun matiar masalok makaliman ra kapaganan, kaa' ulun mabanis guang kalo mokoowot ra kapaganan.

AMSAL 18:9

Ulun matiar nogondo' laat nano ra ulun masaga' mangkinibit ra kalaatan.

AMSAL 2:20

Intor raginio, musiti' tiluon min kaayagan ru ulun moonsoi, am musiti' no kaayagan mino sumugut ra kasagaan ri Aki Kapuuno'.

AMSAL 26:14

Koson ra kulobon minsur ra guutan nano, koson niayuk ra ulun matiar miluluir ra intok pambalangan.

AMSAL 28:10

Osoi-osoi mapalayau ra ulun mabanis guang, masulungan ru kalaatan nano galama'. Ulun ra kolondo' sala barakaton saboi maansukan.

RIMBAI PANGAMPARAN 1:8

Kalo kia nakapandai kou ra intok nano, alii ra ruandu' ra mantalur kaga'? Bayaa' noyo babaya' ru sampanon bibiag tinambiag, am alungi' noyo ngaangai' anak ru kambing muno mamaar ra kim ru magagalung-magagalung.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

MATIUS 25:26

‘Okou ulipon ra malaat am matiar!’ kon ru tuan ni, ‘Nakapandai kou ra aku mangkaang ra ampos ru kandoi ru ulun bokon.

LUKAS 16:22

Patoi i Lajarus am inibit ru malaikat ra kinamatuaan nali, i Abragam, giu' ra suruga'. Ulun langkaya' no pana minatoi am linobong.

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 4:12

I Abragam niayuk koson ra ama' ru ngaangai' ulun sinunatan, sala' ka ra sunat nilo ayuk, kaa' niayuk ra pangintapatan nilai ti mogondo' ra pangintapatan ri Abragam ra io kalo poyo sinunatan.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 11:33

Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

IBRANI 5:11

Masuang poyo raguon mai ramuyun intor ra baal raginio, kaa' mapagon toojo mampabala' ramuyun sabap ra mototoi kau makarati'.

IBRANI 6:15

Naginaa ayuk i Abragam ra guang mataan, saboi nakaapu io ra atan ondo' binantu' ri Aki Kapuuno' i riso.

JAKUBUS 1:3

sabap ra napandayan min noyo ra ampos ru akau makagula' ra pangkinaman, iono guang pantataan.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”