IBRANI 5:7 - Tanou Moonsoi Timugon

⁷ Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

IBRANI 5:7 ပူးပေါင်းရင်းမြစ်များ

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 69:1

Ra tingganai santimungan maririmbai. Sumugut ra rimbai: Bunga' Bakung. Ri Daut.

MAZMUR 88:1

Rondo' rimbai. Mazmur ru bansa' ri Kora. Pataakon ra tingganai ru santimungan maririmbai. Maya' ra rimbai ri: Magalat Liyanot. Sisindiron ri Giman, ulun ru Ijragi.

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

IMAMAT 2:2

Ulun no musiti' magibit ra taak nano ra imam-imam papag ri Arun. Imam ondo' mapataak ra taak simbalui no musiti' mangalap ra sogonggom tapung am niayuk umau no am ngaangai' kaminyan no, am solobon ngaangai' no ra rasawat ru altar koson tatandu' ra kasalingai' no pinataak noyo ra Tuhan. Owou ru taak ra akanon no mapabansuk ra guang ru Tuhan.

MATIUS 27:46

Paat ra jam katalu ra mamai', golok i Jisus ra bolos mosongou, “Ili, Ili, lama sabaktani?” Arati' no, ‘O Aki Kapuuno' Kuno, O Aki Kapuuno' Kuno, kua iruani' Mu Aku?’

MATIUS 27:50

Igondo' poyo i Jisus giminolok, am kaampus boo painawo Nano.

MARKUS 15:34

Nakapaat ra jam katalu ra iomamai', i Jisus giminolok ra mosongou kaga', “Iloi, Iloi, lama sabaktani?” ondo' arati' no, “I Aki Kapuuno' Kuno, i Aki Kapuuno' Kuno, kua iruani' Mu Aku?”

MARKUS 15:37

Golok boo i Jisus am patoi.

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 11:35

Pantangi' boo i Jisus.

JUANIS 11:42

Nakapandai Aku ra masalok Kou mangkirongog ra pakiasian Kuno. Kaa' rinagu Ku kon raginio, koson giatilo ondo' soroi ragiti mangintopot ra Okou noyo nanusub Raki'.”

JUANIS 17:1

Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

IBRANI 10:10

Sabap ra paat ri Jisus Kristus nampataak ra painawo Nano ra igondo' ayuk, itakau ngai' inimpasau intor ra tula am ginio sama' ra sabuoi-buoi no. Giminagaya' Io ra kasagaan ri Aki Kapuuno'.

IBRANI 10:5

Ginio boo i Kristus minindagu ri Aki Kapuuno' paat ra Io minatong ra tana' ti, kon Nano: “Sala' ka taak simbalui am poyo taak ra bokon ondo' kasagaan Muno, kaa' inaru' Mu noyo ra Aku sumauk ra ulun am mapataak ra painawo Kuno Rirun.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

1 JUANIS 4:3

Kaa' ulun ondo' kalo mangintopot ra i Jisus no minatong ra tana' ti am siminauk ra ulun, ulun raginio kolondo' Ambiluo ri Aki Kapuuno'. Ulun no mokoondo' ra ambiluo ru pantula' ri Jisus Kristus. Nokorongog kau ra ambiluo raginio matong am raino soroi io ra tana' ti.

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.