IBRANI 4:15 - Tanou Moonsoi Timugon

¹⁵ Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 4:15 ပူးပေါင်းရင်းမြစ်များ

KAINGKUALAN 23:9

“Pai' kalaat ra ulun bansa' ru bokon; nakaili' kau nasauk ra ulun bansa' ru bokon, sabap ragili pana ulun bansa' ru bokon kau giu' ra Misir.”

JISAYA 53:9

Linobong io pinabaya' ra ulun malaat; Lobong nano nakaunor ra ulun langkaya', kabalu' pana kalo igondo' io pambaal ra kalaatan, am kalo igondo' pamparuung.”

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

MATIUS 12:20

Kalo mangangambai Io kalamio' ulun kolondo' lulu'. Mangandoi Io saboi katimpakan no manguasa' ra ati ayuk

MATIUS 4:1

I Jisus pana inibit boo ru Ambiluo ri Aki Kapuuno' giu' ra tana' kaagisan koson kinamin Io ru Tingganai ru riwato.

LUKAS 22:28

Kaa' siminimpung kau Raki' buoi ru pangkinaman Kutu.

LUKAS 4:2

Kininaman Io ru Tingganai ru riwato no ra giu' i buoi apat ngoopor ngoorou. Buoi raginio nampali i Jisus am kalo nangakan Io ra atan ayuk pana saboi naitilan Io.

JUANIS 8:46

Osoi intor ramuyun no mampainono' ra makatula Aku? Amon ru mindagu Aku ra motopot, kua pai' kau pangintopot Raki'?

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 4:14

Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.

IBRANI 5:2

Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

1 JUANIS 3:5

Nakapandai kano ra rinatangan ri Jisus Kristus ra tana' ti koson mamuso ra tula ru ulun. Am i Jisus galama' kolondo' tula.