IBRANI 4:14 - Tanou Moonsoi Timugon

¹⁴ Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.

IBRANI 4:14 ပူးပေါင်းရင်းမြစ်များ

YEHEZKIEL 46:10

Ulun manguasa' musiti' sumubol ra Baloi ru Tuhan mababaya' ra mamagun, am mingkual mababaya' ra mamagun.

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

MARKUS 1:1

Gitio noyo talimpuun Tanou Moonsoi, i Jisus Kristus, Anak ri Aki Kapuuno'.

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

LUKAS 24:51

Liliwa' nambarakat Io risilo, kakayang Io ra suruga' mangiruan risilo.

RINALATAN 1:11

Konilo risilo, “Ulun Galilia kau ngai', kua bigor kau ayuk ragiti am pantingaa' ra rasawat? I Jisus, ondo' nakito min kinayang mongoi ra suruga', sumaguli' Io poyo mogondo' ra nakito min raitii' ni.”

RINALATAN 3:21

Io musiti' mayan ra limbowon saboi talimbaguin ri Aki Kapuuno' ngaangai' no, koson ra rinagu ri Aki Kapuuno' ondo' pinabala' galing ra nabi-nabi matulai Nano paat ra galing i.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

2 KORINTUS 12:2

Makaulig aku ra sangulun Kristian ondo' mopor am apat ngambilor ra nakasail i kinayang io ra suruga', ioginio intok masawat kaga'. (Kalo nakapandai aku ra topot-topot kia nasauk kapoam papaintalangan ayuk – i Aki Kapuuno' ayuk nakapandai.)

2 KORINTUS 9:13

Masuang ulun Kristian ra Jirusalim mongompor ri Aki Kapuuno' sabap ra indangan min, am ginio mampakito ati kulaan pampagagayaan min ra Tanou Moonsoi ri Kristus ondo' pabalaan min. Mongompor ilo poyo ri Aki Kapuuno' sabap ra kinataau ru guang min, saboi ruit min tinayar-tayar risilo am poyo ra ngaangai' ulun ra bokon.

IPISUS 4:10

Io ondo' timinuun i, Io niayuk ondo' nagaloi giu' ra rasawat, ondo' masawat poyo intor ra ngaangai' limbowon, koson sumoroi Io ra ngaangai' no.

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.

IBRANI 10:12

Kaa' i Kristus igondo' ayuk nampataak ra painawo Nano koson pangampunan ra tula, am ginio makakuasa' ra mantilayun. Kopongo raginio, nanturung Io ra tampilon pamiris ri Aki Kapuuno'.

IBRANI 10:23

Ginio ra pirot takano mampaguut ra kalansanan takau, sabap ra totopot suguton ri Aki Kapuuno' atan ondo' binantu' Nali.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

IBRANI 6:20

Io noyo nangukab galing ra ralan mongoi ra giu' koson ra suali ritakau. Io nasauk ra Tingganai Maayo Imam ra mantilayun, koson ra imam Milkisidik ra galing i.

IBRANI 6:6

Amon ru nakaili' ilo ngaangai' raginio, bagu liminugut ilo intor ri Kristus, kalo boo lair makatalikur ilo saguli', sabap ragitio koson ayuk ra manalip ilo poyo saguli' ra Anak ri Aki Kapuuno' saboi asabin nilo Io ra saang ru ulun masuang.

IBRANI 7:3

Kolondo' tinulisan koson ra inggalan ru ama', ina' am kinamatuaan nali kapoam naganakan am niayuk pinatayan nali. Kaa' io ti koson ra Anak ri Aki Kapuuno', ra sumauk io ra imam ra mantilayun.

IBRANI 8:1

Puun ru ngaangai' ondo' rinagu ti, ioginio: mokoondo' takau no ra sangulun Tingganai Maayo Imam ondo' manturung ra tampilon pamiris ru takhta ri Aki Kapuuno' Ondo' Masawat Kaga' giu' ra suruga'.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.