IBRANI 3:8 - Tanou Moonsoi Timugon

⁸ pai' noyo kotogo' guang mino, koson ra kinamatuaan mini, paat ra ilo minanggal am nangkinam Raki' giu' ra tana' kaagisan.

IBRANI 3:8 ပူးပေါင်းရင်းမြစ်များ

AMSAL 28:14

Pakaansuk noyo ulun ondo' gumagaya' ra Tuhan, kaa' ulun mokotog ulu iono pusoon.

KAINGKUALAN 17:7

Intok no ininggalanan ra Masa am Miriba sabap ra mambubutok ulun ru Israil am mangkinam ra Tuhan paat ra ilo mangkuot, “Maya' kia Tuhan no ritakau kapoam kalo?”

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

MAZMUR 78:56

Kaa' ulun Nano lumaat am nangkinam ri Aki Kapuuno' Ondo' Maayo Kaga' Kuasa', kalo ginagaya' nilo panusuban Nano.

MAZMUR 78:18

Singonon nilo mangkinam ri Aki Kapuuno', kitaakon nilo akanon ra kasagaan nilo.

MATIUS 13:15

Sabap ra pangkaraan nilono kalo kinalarom, sinilong nilo talingo nilono, am koromo' nilo mato nilono. Sabap ra amon ru kalo, makakito mato nilono, mokorongog talingo nilono am pangkaraan nilono malarom am sumaguli' ilo Raki', am mamabas Aku risilo,’ kon ri Aki Kapuuno'.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

MAZMUR 106:14

Giu' ra tana' kaagisan masingkual patilaai ru guang nilono, am mangkinam ilo ri Aki Kapuuno';

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

SAGULION 6:16

“Pai' pangkinam ra Tuhan i Aki Kapuuno' min koson ondo' binaal min giu' ra Masa.

1 KORINTUS 10:9

Pai' takau kinami' Tuhan koson ra binaal ru santayaran nilai ragili, saboi minatoi ilo tininduk ru kukuo.

RINALATAN 19:9

Kaa' mokoondo' intor risilo i mokotog guang am kalo nangintopot, am nagasab ilo poyo ra pamayagan ri Aki Kapuuno' ra saang ru ulun masuang. Ginio ra i Paulus pana nangiruan risilo am ibito' no ulun ondo' nangintopot noyo ri Jisus am moonong orou nangila' io risilo giu' ra intok igigilaan ri Tiranus.

NIGIMIA 9:16

Kaa' kinamatuaan mai bambalingatan am malilimbau, kalo giminagaya' ilo ra susuban Muno.

1 SAMUIL 6:6

Atan onong no ra akau bambalingatan koson ra raja' ru Misir am mamagun nano ragili? Pai' min liliani' pinamakuan ri Aki Kapuuno' ra nangnganja' risilo, saboi nasuraan ilo am nopoloso ra ulun ru Israil nangiruan ra Misir.

UNTABAN 14:11

Indagu Tuhan ri Musa, “Kula' poyo buoi ru ulun ti manggal Raki'? Saboi sanggilan ilo kalo masaga' mangintopot Raki', kabalu' pana nambaal Aku noyo masuang kaga' kaimuagan risilo?

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

MAZMUR 95:8

“Pai' kau kokotog guang koson ra kinamatuaan min giu' ra Miriba, bulintok ra lakat ilo ayuk poyo ra tana' kaagisan giu' ra Masa.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.