IBRANI 3:7 - Tanou Moonsoi Timugon

⁷ Sabap raginio, koson ra bala' ru Ambiluo ri Aki Kapuuno', kon Nano: “Amon ru orou raiti' makaining kau ra bolos ri Aki Kapuuno',

IBRANI 3:7 ပူးပေါင်းရင်းမြစ်များ

2 SAMUIL 23:2

Ambiluo ru Tuhan minindagu pinabala' galing raki'; ragu Nano soroi ra bibil kuno.

MAZMUR 81:11

Aku noyo Tuhan, i Aki Kapuuno' min, ondo' nagibit ramuyun miningkual intor ra Misir. Kabang kau am paakanon Takamin.

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

AMSAL 27:1

Pai' pamanggo atan kasaukan ra susuab, sabap ra kalo poyo natutunan min atan kasaukan no.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 22:43

“Amon ru koson poyo raginio,” taam ri Jisus, “Kua Ambiluo ri Aki Kapuuno' nampaliman ri Daut ra mampiau Riso ‘Tuhan’? Sabap ra raja' Daut minindagu,

MARKUS 12:36

Alika i raja' Daut galama' minindagu ra io binalaan ru Ambiluo ri Aki Kapuuno', kono, ‘I Aki Kapuuno' minindagu ra Tuhan kuno: Panturung no ra pamiris Kutu saboi baalon Ku pantula' Muno kumuku' ngai' Rirun.’

JUANIS 10:16

Mokoondo' Aku poyo ra domba-domba ra bokon ondo' kalo nakaaya' ra tayar ragitio. Ilo pana musiti' Ku ibiton, am mokorongog ilo boo ra bolos Kuno. Ilo ti simpungon Ku am rondo' ayuk magagalung risilo.

JUANIS 10:27

Domba-domba Kuno mangkirongog ra bolos Kuno; makaulig Aku risilo am maya' ilo Raki'.

JUANIS 10:3

Io no ukabin ru magagalung ra kandang no, am sampanon ru domba pana mokorongog ra bolos nano ra io mampiau ra inggalan nilo sigagama', am ibiton no ilo mingkual.

JUANIS 5:25

Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io.

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

RINALATAN 8:29

Indagu Ambiluo ri Aki Kapuuno' no ri Pilipus, “Inggaari' sinakayan nano.”

IBRANI 10:15

Ambiluo ri Aki Kapuuno' niayuk mangani' ritakau ra kaintutunan, ragu Nano:

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

IBRANI 3:15

Gitio noyo ondo' tinulisan ra Buuk Kitab: “Amon ru orou raiti' makaining kau ra bolos ri Aki Kapuuno', pai' noyo kotogo' guang mino koson ra kinamatuaan mini, paat ra ilo minanggal ri Aki Kapuuno'.”

IBRANI 4:7

Motopot noyo ginio sabap ra mokoondo' noyo inaru' ri Aki Kapuuno' rondo' orou ra bokon poyo ondo' sabiton, “Orou Raiti'”. Ginio pinabala' Nano ondo' pinabala' galing ra raja' Daut ra kukula' ngaatus ngambilor kalupus raginio, ralalom tayar Buuk Kitab ni: “Amon ru orou raiti' makaining kau ra bolos ri Aki Kapuuno', pai' noyo kotogo' guang mino.”

IBRANI 9:8

Intor raginio, Ambiluo ri Aki Kapuuno' mambala' ritakau ra umpasan mongoi ra Intok Matulai Kaga' ti kalo poyo maukab, paat ra lakat ayuk poyo soroi lamin ra saang ru kim no.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

PINAINTALANG 3:20

Iningo'! Migor Aku ra kulobon am manitik. Amon ru mokoondo' makaining ra bolos Kuno am mangukab ra kulobon no, mumpos Aku ra baloi nano am mangakan magulung riso, am mangakan io magulung Raki'.