IBRANI 2:17 - Tanou Moonsoi Timugon

¹⁷ Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 2:17 ပူးပေါင်းရင်းမြစ်များ

2 TUNUNG RU BANSA' ISRAIL 29:24

Kopongo raginio, imam-imam nanimbalui ra kambing-kambing am pasasaro' raraa' ru kambing giu' ra rasawat ru altar, koson mamuso ra tula ru ngaangai' mamagun, sabap ra nanusub noyo raja' risilo mampataak ra taak simbalui koson mapabansuk ra guang ru Tuhan am taak simbalui koson mangampun ra tula ru ngaangai' mamagun ru Israil.

JISAYA 11:5

Parintaan no ulun nano ra matimpok am ralalom kabanisan ru guang.

YEHEZKIEL 45:17

Kaa' paat ra pangiantakan ra sila' bagu, am orou Sabat, am orou pangiantakan ra bokon, ulun manguasa' lansanin manampos ra bibiag koson pataakon koson ra taak simbalui, am niayuk taak simbalui koson paringkuanangan Raki'; am niayuk taak simbalui wain ra tayar ru ngaangai' bansa' ru Israil. Io no lansanin manampos ra taak simbalui koson mangampun ra tula, taak simbalui koson paringkuanangan Raki', taak simbalui koson mapabansuk ra guang Kuno, am taak simbalui koson makibarakat Raki'. Aku pana mangampun boo ra tula ru ulun ru Israil.”

YEHEZKIEL 45:20

Paat ra orou katulu', sila' raginio, musiti' kau mambaal koson raginio tayar ru osoi ayuk makatula ra kalo siningon kapoam ra kalo napandayan no. Koson raginio noyo ra akau magalung ra kapasawan ru Baloi Kuno.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

IMAMAT 14:18

Paluiton boo ru imam suwo ru umau ra palar ru kalindu' nano ra ulu ru ulun no. Kon raginii noyo imam no ra mapaugar ra upacara pamasawan.

IMAMAT 16:16

Kon ragitio noyo io nambaal ra upacara koson mapatulai ra Lamin Matulai Kaga' intor ra kajamalan ru ulun ru Israil am intor ra ngaangai' tula nilo. Musiti' io mambaal ra upacara ragitio tayar ru tampilon ra bokon no ra Kim ru Tuhan sabap ra Kim no soroi ra tatanga' ru pangkiman ondo' majamol.

IMAMAT 6:30

Kaa' amon ru makararaa' ru bibiag no ondo' inumpasan ralalom ru Kim ru Tuhan pinakai boo koson upacara pangampunan ra tula, kual ru bibiag no kalo maakan; bibiag no musiti' solobon.

IMAMAT 8:15

Simbaluyo' boo ri Musa sapi' no am alapo' sanganu raraa' no. Ra bubua' ru kalindu', pakupilo' boo ri Musa raraa' no ra sangau ru altar koson patimpokon no. Pasasaro' no suwo ru raraa' no ra tampilon ragana' ru altar. Ginio noyo ralan ri Musa napakapasau ra altar no am patimpokon no ra Tuhan.

UNTABAN 15:25

Mapaugar imam ra upacara pamasawan tayar ru ulun. Koson raginio noyo ilo ampunon sabap ra kasalaan raginio binaal ra kalo siningon, am taak simbalui koson mangampun ra tula tayar ru taak akanon pinataak noyo ra Tuhan.

ROMA 15:17

Sabap ra nasimpungan kuno ri Kristus Jisus, maayo boo guang ku sabap ra kandoi kuno ri Aki Kapuuno'.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

IPISUS 2:16

Sabap ri Kristus nakapangiru' ra nantulaan raginio ra pinatayan Nano ra salip. Am gitio noyo nampasimpung ra ruo bansa' ti masauk rondo' inan am nagibit risilo saguli' ri Aki Kapuuno'.

KOLOSI 1:21

Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

IBRANI 10:21

Am i Jisus ti noyo imam maayo kuasa' ondo' maningganai ra ulun ri Aki Kapuuno'.

IBRANI 2:11

I Jisus noyo namasau ra ulun intor ra tula nilono, am Io am niayuk ulun pinasau no, rondo' ayuk Ama'. Ginio ra kalo mauyu' i Jisus mangiou risilo ra pabukat Nano.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

IBRANI 2:16

Mapandayan noyo ra sala' ka malaikat indanganon Nano, kaa' itakau, papag ri Abragam.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 3:2

Giminagaya' Io ri Aki Kapuuno' ondo' nampili' noyo Riso. Ginio mogondo' ri Musa ra galing i ra giminagaya' io ri Aki Kapuuno' koson mangindangan ra ulun Nano.

IBRANI 3:5

I Musa giminagaya' ri Aki Kapuuno' koson ra sangulun ulipon mangindangan ra ulun Nano, am nampabala' poyo ra atan ondo' raguon ri Aki Kapuuno' ra tauli no.

IBRANI 4:14

Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 5:1

Moonong Tingganai Maayo Imam pinili' ri Aki Kapuuno' intor ra ulun am inaru' io mangandoi ri Aki Kapuuno' ra ulun masuang: ioginio mampataak ra taak ru ulun am poyo taak simbalui koson pakiampunan ra tula.

IBRANI 5:10

Inaru' Io ri Aki Kapuuno' masauk ra Tingganai Maayo Imam, koson ra imam Milkisidik ra galing i.

IBRANI 5:2

Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.

IBRANI 5:5

Koson niayuk ri Kristus. Sala' ka Io galama' nampili' sumauk ra Tingganai Maayo Imam, kaa' i Aki Kapuuno' minindagu Riso: “Okou no Anak Kuno, orou raiti' ngaangai' balain ra Aku Ama' Mu.”

IBRANI 6:20

Io noyo nangukab galing ra ralan mongoi ra giu' koson ra suali ritakau. Io nasauk ra Tingganai Maayo Imam ra mantilayun, koson ra imam Milkisidik ra galing i.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 7:28

Ukum ri Musa mangaru' ra ulun ondo' kalo matanda' masauk ra Tingganai Maayo Imam. Kaa' malupus Ukum ni, nambantu' am nagibot i Aki Kapuuno' ra mampili' Io ra Anak Nano ondo' pinasauk ra kolondo' sala, masauk ra Tingganai Maayo Imam ra sabuoi-buoi no.

IBRANI 8:1

Puun ru ngaangai' ondo' rinagu ti, ioginio: mokoondo' takau no ra sangulun Tingganai Maayo Imam ondo' manturung ra tampilon pamiris ru takhta ri Aki Kapuuno' Ondo' Masawat Kaga' giu' ra suruga'.

IBRANI 8:3

Moonong Tingganai Maayo Imam inaru' mampataak ri Aki Kapuuno' ra taak simbalui kapoam taak ra bokon. Koson niayuk ra Tingganai Maayo Imam takau, io pana sotopot no musiti' mokoondo' pataakon.

IBRANI 9:11

Kaa' i Kristus nakaratong noyo koson ra Tingganai Maayo Imam am nangindangan ra ulun ra minumpos Io ra kim giu' ra suruga', ondo' gitio matulai am moonsoi poyo intor ra ondo' binaal ru ulun ragili.