IBRANI 2:14 - Tanou Moonsoi Timugon

¹⁴ Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

IBRANI 2:14 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

MATIUS 16:17

“Pakaansuk no Simon, anak ri Juanis!” kon ri Jisus, “sabap ra katapatan ragitio sala' ka intor ra ulun, kaa' gitio pinabala' rirun ri Ama' Kuno giu' ra suruga'.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 12:24

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

ROMA 14:9

Ginio ra i Kristus minatoi am naayag saguli' koson masauk ra Tuhan ru ulun maayag am ulun namagatoi.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

1 KORINTUS 1:28

Pinili' No ondo' karaan ru ulun ru tana' ti koson kolondo' pangkat, kalo maatang am kolondo' onong. Maa' raginio maliom boo ri Aki Kapuuno' ondo' karaan ru ulun ru tana' ti maatang.

1 KORINTUS 15:50

Pabukat kau ngaangai', ondo' kon kuli ra inan takau, iono kual am raraa', kalo makasubol ra Tana' Bagu ri Aki Kapuuno'; sabap ra inan ondo' mapandai mapuso no kalo noyo mantilayun.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

KOLOSI 2:15

Giu' ra salip i milabus i Kristus intor ra mangunguasa' am mamarinta malaat no. Tinauyu' No ilo ra ilo inulipon am inibit No ra pangiantakan ru kamanangan Nali.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

2 TIMOTIUS 1:10

kaa' raino bagu pinaintalang mansail ra ratangan ru Mamamayag takau, i Jisus Kristus. Io no namandak ra kuasa' ru kapatayan ondo' manguasa' ra ngaangai' ulun am nagibit ra kaayagan mantilayun mansail ra Tanou Moonsoi ti.

IBRANI 10:10

Sabap ra paat ri Jisus Kristus nampataak ra painawo Nano ra igondo' ayuk, itakau ngai' inimpasau intor ra tula am ginio sama' ra sabuoi-buoi no. Giminagaya' Io ra kasagaan ri Aki Kapuuno'.

IBRANI 10:5

Ginio boo i Kristus minindagu ri Aki Kapuuno' paat ra Io minatong ra tana' ti, kon Nano: “Sala' ka taak simbalui am poyo taak ra bokon ondo' kasagaan Muno, kaa' inaru' Mu noyo ra Aku sumauk ra ulun am mapataak ra painawo Kuno Rirun.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 2:18

Am raino makapangindangan Io ra ulun ondo' kinamin, sabap ra Io galama' nakaili' noyo ra kaimbalaan am pangkinaman.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 20:2

Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.