IBRANI 13:9 - Tanou Moonsoi Timugon

⁹ Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

IBRANI 13:9 ပူးပေါင်းရင်းမြစ်များ

MAZMUR 112:8

Kalo magalabo kapoam malaa' io sabap ra mangintopot io ra pantula' nano maalap kalaan.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

MATIUS 24:4

Taam i Jisus, “Ilalai', am pai' min polosoo' osoi ayuk pana mamparuung ramuyun.

LUKAS 5:38

Kaa' wain baguon no maaru' lingigon ralalom kantungan baguon niayuk.

RINALATAN 20:30

Mokoondo' niayuk kukula' ngaulun intor ramuyun no magabau am mampalayau ra ulun Kristian koson maya' boo risilo.

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 14:2

Mokoondo' ulun ondo' mangintopot ra atan-atan ayuk maakan, kaa' ulun malawo pangintapatan no kalo mangakan ra kual.

ROMA 14:6

Osoi ayuk mampakaatang ra orou inaru' no, baalon no ginio koson mangurumat ra Tuhan. Osoi ayuk makaakan ra atan-atan ayuk, baalon no ginio koson mangurumat ra Tuhan, sabap ra maringkuanang io ri Aki Kapuuno' ra nangani' ra akanon. Osoi ayuk kalo mangakan ra kual, mangurumat io niayuk ra Tuhan am maringkuanang io ri Aki Kapuuno'.

1 KORINTUS 6:13

Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 8:8

Sotopot no, pai' ru akanon no mompokoonsoi poyo ritakau ri Aki Kapuuno'. Amon ru mangakan takau raginio, kalo matatakan takau ra atan ayuk pana. Mogondo' niayuk ra amon ru kalo mangakan, kalo niayuk maulian takau.

2 KORINTUS 1:21

I Aki Kapuuno' galama' mampaikang ramon, mababaya' ramuyun, sumimpung ri Kristus; Io niayuk nampili' ritakau ra Io no tatangan.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

KOLOSI 2:4

Ginio nai ra mambala' aku ramuyun: Pai' min polosoo' abau ru ulun mampalayau ramuyun, kabalu' pana kula' gamis iningon ragu nilai no.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

2 TISALONIKA 2:2

Pai' kano kataki' kalingou kapoam magalabo sabap ra nakaining kau ra nasuku' kon noyo Orou ratangan ru Tuhan Jisus. Mokoondo' lair mindagu, ginio sinabit mai paat ra kinuasa' akai ru Ambiluo ri Aki Kapuuno', kapoam ralalom pangilaan kapoam tinulisan mai.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.