IBRANI 13:5 - Tanou Moonsoi Timugon

⁵ Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

IBRANI 13:5 ပူးပေါင်းရင်းမြစ်များ

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 30:31

Indagu i Laban, “Atan boo pabayaron kuno rirun?” Taam i Jakub, “Kalo makibayar aku ra atan-atan. Rayuson ku ayuk alungi' bibiag muno, amon ru mangiou kou ra ragu kutu.

KASAUKAN 31:5

Kono ra karuo ngaulun andu' nano, “Makito ku intor ra bulos ru ama' min ra kalo boo masamba io raki', sala' ka koson ragili. Kaa' alungin aku ri Aki Kapuuno' ru ama' kuli.”

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

1 RAJA'-RAJA' 8:57

Gama' ru Tuhan, i Aki Kapuuno' takau mabaya' ritakau koson ra Io mabaya' ra kinamatuaan takali. Gama' ru kalo mangiruan Io ritakau kapoam mangimpai ritakau.

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

MAZMUR 119:36

Indangano' aku mompogogot koson gumagaya' ra ukum Muno, am sala' ka masauk ra langkaya'.

MAZMUR 37:25

Ragino matutuo aku no am nabuoi noyo naayag, kaa' kalo igondo' aku pakakito ra ulun moonsoi tatangon ru Tuhan, kapoam sayat nilono makikitaak ra akanon.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

KAINGKUALAN 2:21

Nangiou boo i Musa mayan ra giu' no. Paganduo' ri Jitro anak ruandu' nano, i Jipora ri Musa.

KAINGKUALAN 20:17

“Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

AMSAL 23:4

Ilalai' min noyo! Kalo sukuin ra inan maimbolo' sabap ra sumauk ra langkaya'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:17

Bulintok ra ulun Kuno ra naimbolo' no maguyum ra timug, bulintok ra liog nilono napuaan sabap ra pinaason, Aku, Tuhan mangiou ra pakiasian nilono; Aku, i Aki Kapuuno' ru Israil, kalo igogondo' manatang risilo.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

MATIUS 6:19

“Pai' no panimung ra rapu' ra tana' ti, ondo' maapu' ru lipos am togol am tokowon ru mantatakou.

MATIUS 6:25

“Ginio ra balain takamin: Pai' kau kaimamang ra bayag mino koson ra atan akanon am inumon kapoam atan bayang sulungin. Sala' ka kia kaayagan maatang intor ra mangakan, am inan maatang intor ra bayang?

MATIUS 6:34

Ginio ra pai' kau kaimamang ra baal suabon no, sabap ra suabon no mokoondo' noyo kaimamangan no galama'. Pai' noyo ruangi' kapaganan ra orou raiti' ondo' sama' noyo.”

MARKUS 7:22

lumapau, kumaluluung, mambaal ra makauyuyu', mamparuung, mangusolon, manimbaal ra ragu, malilimbau, bungas am atan ayuk kalaatan.

LUKAS 3:14

Mokoondo' niayuk saujor nangkuot, “Ati kulaan ramon? Atan musiti' baalon mai?” Taam i Juanis, “Pai' kau pampagaau ra ruit ru osoi ayuk pana am pai' kau pangilalaa' ra ulun koson mangalap ra ruit nilo. Sama' noyo ra gaji' mino galama'!”

LUKAS 8:14

Ondo' naratu' ra tana' makakusingan i, io no ulun ondo' mangkirongog ra bala' no, kaa' pagalabaan, kalangkayaan am kasagaan ru guang nilai ti galama' mamisi' ra bala' no saboi kawa' nilai kalo maansak toojo.

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

1 KORINTUS 5:11

Kaa' ondo' kon kuli, pai' kano latok ra ulun ondo' migiangku ra io Kristian, kaa' mansawa', makalit, sumamba ra sinungkalalaing, manimbaal ra ragu ra ulun bokon, gagaukon, kapoam mantatakou. Gumulung riso mangakan pana am pai'!

1 KORINTUS 6:10

ondo' mantakou, makalit, gagaukon, manimbaal ra ragu ra ulun bokon, am poyo ulun mampagaau – ngaangai' ulun raginio kalo masauk ra ulun ri Aki Kapuuno'.

2 KORINTUS 4:9

Masuang makimantula' ramon, kaa' kalo igondo' akai iruani' ri Aki Kapuuno'. Kabalu' pana magail akai ayuk pampasin, kaa' kalo noyo maluus akai.

IPISUS 5:3

Akau ti noyo ulun ri Aki Kapuuno'. Ginio ra atan ayuk baal ru pansasawaan, baal makauyuyu' kapoam mangangkum, kalo masauk ra tatanga' min.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

1 SAMUIL 10:7

Paat ra masauk baal raginio, baalo' atan ayuk limanin muno ra moonsoi, sabap ra i Aki Kapuuno' mabaya' rirun.

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.