IBRANI 13:20 - Tanou Moonsoi Timugon

²⁰ I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 13:20 ပူးပေါင်းရင်းမြစ်များ

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

1 TUNUNG RU BANSA' ISRAIL 16:17

am pinatanduus ri Jakub, nasauk ra nabantuan mantilayun ra ulun ru Israil.

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

MAZMUR 23:1

Mazmur ri Daut. Tuhan noyo magagalung raki'; kolondo' atan-atan natatak intor raki'.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

KAINGKUALAN 24:8

Alapo' boo ri Musa raraa' ralalom ru mangkuk-mangkuk no am pawaso' ra ulun no. Kono, “Gitio noyo raraa' ondo' mamiot ra nabantuan ru Tuhan am akau paat ra Io nangani' ra ngaangai' susuban ti.”

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

JISAYA 63:11

Kaa' ilo pana nakakara' bulintok ra galing i, ioginio paat ri Musa, ulipon ru Tuhan. Ilo pana nangkuot, “Ati kia Tuhan, ondo' nangaak ra ulun am tingganai-tingganai nilono maya' ra raat? Ati kia Tuhan ondo' nanaak ra kuasa' Nano risilo?

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

YEHEZKIEL 34:23

Pasaukon Ku sangulun ra raja' koson ri Daut, ulipon Kuno, koson masauk ra rorondo' magagalung risilo, am magalung io risilo.

YEHEZKIEL 37:24

Sangulun raja' koson ri Daut, ulipon Kuno, masauk ra raja' nilo. Pasimpungon Ku ilo ragana' ru sangulun manguasa' am totopot gumagaya' ilo ra ukum Kuno.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

JAKARIA 9:11

Indagu Tuhan, “Sabap ra nabantuan Kuno am akau, nabantuan ondo' sinaapan ra raraa' ru taak simbalui, palabuson Ku bansa' min ondo' naimbolo' ralalom pamatiran koson ra ulun ondo' naaput ralalom ru tulubong mapua'.

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

MARKUS 14:24

Indagu i Jisus risilo, “Gitio noyo raraa' Kutu, raraa' nabantuan ri Aki Kapuuno' ondo' pasasaron ra masuang ulun.

LUKAS 22:20

Koson niayuk raginii, kopongo ilo nangakan, pataako' No sangkir i risilo liliwa' minindagu, “Sangkir ragitio nabantuan bagu ri Aki Kapuuno', saukon ralalom ru raraa' Kuno, ondo' pasasaron ramuyun.

JUANIS 10:11

Aku noyo magagalung ra moonsoi, am magagalung ra moonsoi mampataak ra painawo Nano ra domba Nano.

JUANIS 10:14

Aku noyo magagalung ra moonsoi. Koson ri Ama' makaulig Raki' am Aku makaulig ri Ama', mogondo' niayuk ra Aku pana makaulig ra domba-domba Kuno am ilo niayuk makaulig Raki'.

RINALATAN 13:30

Kaa' binayag Io boo saguli' ri Aki Kapuuno' intor ra kapatayan.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

RINALATAN 2:24

Kaa' binayag Io saguli' ri Aki Kapuuno' intor ra kapatayan. Pinalabus Io ri Aki Kapuuno' intor ra kaimbalaan ru kapatayan, sabap ra kalo lair maaput Io ru kapatayan.

RINALATAN 2:32

I Jisus ti noyo ondo' binayag saguli' ri Aki Kapuuno' intor ra kapatayan. Akai ngaangai' sasi' ra baal raginio.

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 5:30

I Jisus ondo' pinatoi min salipo' i, binayag noyo saguli' intor ra kapatayan ri Aki Kapuuno', ondo' sambaan ru kinamatuaan takali.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

ROMA 10:7

Kapoam pai' pampaguang, osoi mongoi ra intok ru ulun namagatoi? (ioginio koson magibit ri Kristus magaloi intor ra kapatayan.)”

ROMA 15:33

Gama' ru i Aki Kapuuno', intaran ru ngaangai' pabansayan, mabaya' ramuyun ngaangai'. Amin.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

1 KORINTUS 14:33

Sabap ra i Aki Kapuuno' marara' ra jajajou, kaa' masaga' Io ritakau matanda' am makakaansayan. Koson ra kaindalaman ru ngaangai' pasimpungan ulun Kristian,

1 KORINTUS 15:15

Mulu' poyo amon ru ginio motopot, ilain ayuk koson magabau akai. Sabap ra mampatanou akai no ra i Aki Kapuuno' namayag saguli' ri Kristus intor ra kapatayan. Amon ru motopot ra ulun minatoi kalo bayagon saguli' intor ra kapatayan, i Kristus pana kalo binayag saguli'.

1 KORINTUS 6:14

I Aki Kapuuno' namayag saguli' ra Tuhan Jisus intor ra kapatayan, mogondo' niayuk ritakau ra bayagon No saguli' ralalom ru kuasa' Nano.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

2 KORINTUS 4:14

Nakapandai akai ri Aki Kapuuno', ondo' namayag saguli' ra Tuhan Jisus i, mamayag saguli' ramon mabaya' ri Jisus am niayuk magibit ritakau ngaangai' masisimpung Riso.

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

IPISUS 1:20

Am kuasa' Nano ondo' soroi ritakau, nogondo' ra kuasa' ondo' pinaintalang paat ra Io namayag saguli' ri Jisus intor ra kapatayan am nangani' Riso panturungan ra tampilon pamiris Nano giu' ra suruga'.

PILIPI 4:9

Suguto' min atan ondo' noowot min noyo intor raki', koson ra atan ondo' nakabala' kapoam binaal kuno. Am i Aki Kapuuno' ondo' manaak ra pabansayan mabaya' boo ramuyun.

KOLOSI 2:12

Sabap ra paat ra akau riniu', ginio mogondo' ra linobong kau, koson niayuk i Kristus linobong. Am intor ra pampariwan ti, akau bayagon boo saguli' mabaya' Riso, sabap ra mangintopot kau ra kuasa' ri Aki Kapuuno' ondo' namayag ri Kristus saguli' intor ra kapatayan.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 9:20

Liliwa' nampatakis, minindagu i Musa: “Mansail ra raraa' ti saukon ri Aki Kapuuno' ra nabantuan ondo' pasugutin Nano ramuyun.”

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 2:25

Ragili, koson kau ra domba ondo' timinanggau, kaa' raino inibit kano sumaguli' koson maya' kau ra Magagalung am Mangngampin min.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.