IBRANI 13:2 - Tanou Moonsoi Timugon

² Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

IBRANI 13:2 ပူးပေါင်းရင်းမြစ်များ

KASAUKAN 18:1

Minintalang Tuhan ri Abragam maar ra puun-puun matulai giu' ra Mamri. Nakapaat ra mapangit toojo orou am nanturung i Abragam ra kulobon ru kim nano.

KASAUKAN 19:1

Pakasaboi ruo malaikat no ra bandar Sodom ra palunggai' noyo, nanturung i Lot ra kulobon garabang ru bandar raginio. Pakakito io risilo, ingkakat io am ongoi uma' risilo. Igulatur io ra saang nilai,

2 RAJA'-RAJA' 4:8

Paat ra sangarawan minongoi i Ilisa giu' ra bandar Sunim. Giu' no mokoondo' sangulun ruandu' langkaya'. Nampiau ruandu' no ri Ilisa mongoi akan ra baloi nano. Intor raginio moonong i Ilisa mongoi ra Sunim, mangakan io giu' ra baloi ru ruandu' langkaya' no.

AYUP 31:19

Paat ra aku makatuum ra ulun ondo' natutusan, ondo' musikin kaga' koson mambali ra bayang,

AYUP 31:32

Baloi kuno ukabin ra ulun tumanggau, am kalo igondo' aku mompoloso risilo mombolong giu' ra ralan maayo.

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

MATIUS 25:35

Sabap ra paat ra Aku naitilan, pinaakan min Aku am paat ra Aku pinaason, pinainum min Aku. Ra Aku sangulun bansa' ru bokon, inapu min Aku ra baloi min.

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 25:43

Ra Aku sangulun bansa' ru bokon, kalo inapu min Aku ra baloi mino. Ra Aku kolondo' bayang, kalo inanian min Aku ra bayang. Ra Aku narualan am inaput, kalo inongoi min Aku ilai'.’

RINALATAN 16:15

I Lidia am ilo sasambaloi pana riniu' boo. Kopongo ilo riniu', pangkimait boo i Lidia ramon, kono, “Amon ru mangintopot kau ra aku ti nangapu noyo ri Jisus, ongoi kano ayan ra baloi kuno.” Nangkikimait io ramon saboi akai pana giminagaya' ayuk.

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

ROMA 16:23

Puun baloi inayanan kutu pana, i Gayus, mampasaboi ramuyun ra bilin kaansayan nano. Ulun-ulun Kristian no mantitimung ra baloi nano. I Irastus, bendahari ru bandar Korintus, mampasaboi ramuyun ra bilin kaansayan nano, am koson niayuk i Kuartus, pabukat takau ra Kristian. [

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

3 JUANIS 1:5

Pabukat ondo' tagamin kuno! Nangindangan kou toojo ra pabukat muno ra Kristian, kabalu' pana mokoondo' intor risilo kalo nauligan muno.