IBRANI 13:17 - Tanou Moonsoi Timugon

¹⁷ Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

IBRANI 13:17 ပူးပေါင်းရင်းမြစ်များ

KASAUKAN 16:9

Indagu malaikat no, “Ruli' no riso am sauk noyo ra ulipon nano.”

KAINGKUALAN 32:31

Saguli' i Musa uma' ra Tuhan am indagu, “Nambaal ulun raginilo ra tula maayo. Nambaal ilo ra tuhan intor ra mas am sinamba nilo.

AMSAL 5:13

Kalo mangkirongog aku ra pangilaan ru ngaangai' mangingila' kuli am kalo gumagaya' risilo.

JISAYA 62:6

Giu' ra timbok muno, okou Jirusalim, paayanon Ku mantatamung; orou rondom kalo mokopongkoror ilo, kaa' musiti' ilo mapakara' ra Tuhan intor ra bantu' Nali, maa' raginio kalo malilianan No.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

YEHEZKIEL 33:2

“Okou ulun mapandai matoi, balai' bansa' muno ra atan ondo' masauk paat ra Aku mamparatong ra pangayawan ra rorondo' pagun. Mamagun ru pagun no mampili' ra sangulun intor risilo koson ra magagalung.

LUKAS 16:2

Piawo' no manijor i am indagu, ‘Atan nua' norongog ku ra tunung intor rirun? Pataaki' raki' buuk panguntaban intor ra ngaangai' rapu' kuno, sabap ra intor raino polonggoon tokou.’

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

ROMA 14:12

Intor raginio itakau sigagama' mampataam ri Aki Kapuuno' ra atan binaal takau.

1 KORINTUS 16:16

Pabukat kau ngaangai', bayaa' min noyo ulun koson raginilo, am niayuk moonong ulun ondo' mangindangan mangandoi koson risilo.

IPISUS 5:21

Gagaya' kano ra sangulun am bokon, sabap ra akau mangurumat ri Kristus.

PILIPI 1:4

Am moonong aku makiasi' ri Aki Kapuuno' ramuyun, pakiasian kuno mabaya' ra guang makaansuk.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

PILIPI 2:16

ra akau mampasaboi ra Tanou Moonsoi risilo. Amon ru koson raginio kaayagan min, tauli no, paat ra ratangan saguli' ri Jisus mokoondo' paringkuanangan kuno, sabap raginio mampakito ra kinandoi kuli kalo malubat am sala' ka kolondo' ampos.

PILIPI 2:29

Apuo' min noyo io mabaya' ra kaansayan koson sangulun pabukat min ra Kristian am urumato' noyo ngaangai' ulun mogondo' riso ti.

PILIPI 3:18

Sabap ra koson masalok aku no nakapambala' ramuyun am raino sagulion ku poyo mabaya' ra tangi', ra mokoondo' masuang niayuk ulun mansang ra pangilaan ra i Kristus minatoi ra salip.

PILIPI 4:1

Pabukat ondo' tagamin kuno, noondom aku ramuyun sabap ra akau no mampakaansuk ra guang kuno am maansayan aku magilong ra kinoonsoi ru bayag min. Ginio nai ra rayuso' noyo pasimpungan mino ra Tuhan.

2 TISALONIKA 3:14

Amon ru mokoondo' ulun kalo gumagaya' ra pambalaan ru surat maiti, pagilalai' min am pai' kano latok risilo, maa' raginio mauyu' ilo.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

IBRANI 13:24

Posoboyo' min noyo bilin kaansayan mai ra tingganai mino am poyo ra ngaangai' ulun ri Aki Kapuuno'. Pabukat ra Kristian intor ra Itali pana mampasaboi ramuyun ra bilin kaansayan nilai.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

JAKUBUS 4:7

Ginio ra gagaya' kano ri Aki Kapuuno'. Anggalo' min noyo Tingganai ru riwato no, am magiru' io boo intor ramuyun.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

1 SAMUIL 8:19

Kalo lioon ru ulun ru Israil ragu ri Samuil no, kaa' konilo, “Polosoon noyo! Totopot akai masaga' ra sangulun raja'.