IBRANI 13:15 - Tanou Moonsoi Timugon

¹⁵ Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

IBRANI 13:15 ပူးပေါင်းရင်းမြစ်များ

2 TUNUNG RU BANSA' ISRAIL 29:31

Indagu Raja' Gijkia ra mamagun, “Raino inan min patimpokon noyo ra Tuhan, ginio ra pampataak kano ra taak simbalui ra paringkuanangan min ra Tuhan.” Ginagaya' nilo susuban no, am mokoondo' poyo intor risilo ondo' masaga' magibit ra bibiag-bibiag koson pataakon koson ra taak simbalui koson mapabansuk ra guang ru Tuhan.

2 TUNUNG RU BANSA' ISRAIL 33:16

Pinuna' ru Raja' Manasi altar intok sambayangan ra Tuhan, am nampataak ra taak simbalui koson makibarakat ra Tuhan am taak simbalui koson paringkuanangan ra giu' no. Sinusub no ngaangai' mamagun ru Jiuda maa' raginio sumambayang ra Tuhan, i Aki Kapuuno' ru Israil.

2 TUNUNG RU BANSA' ISRAIL 7:6

Imam-imam minigor giu' ra intok ondo' inaru' noyo risilo, am ulun ru Liwi minigor tumingkuang risilo. Ulun ru Liwi mongompor ra Tuhan mabaya' ra kuliamos miujik ondo' tinampos noyo ru Raja' Daut, liliwa' marimbai ra rimbai “Togom Nano Mantilayun!” sumugut ra nanusuban ru Raja' Daut. Imam-imam nanamput ra bujung liliwa' ngaangai' ru mamagun minigor.

IJRA 3:11

Narimbai ilo ra pangamparan ra Tuhan, am sinaguli' tayar ra rimbai ra pupus toojo, ondo' bolos no koon ragitio: “Tuhan no moonsoi, togom Nano ra Israil mantilayun.” Mamagun maya' magilakup am mongompor ra Tuhan sabap ra batu maatang ru Baloi ru Tuhan pinabanta' noyo.

NIGIMIA 12:40

Karuo-ruo pulalai ru ulun maririmbai no nakasaboi ra libung Baloi ru Tuhan. Suai ra tingganai-tingganai ondo' nababaya' raki',

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

MAZMUR 118:19

Ukabi' noyo raki' kulobon garabang Baloi ru Tuhan, maa' raginio sumubol am maringkuanang aku ra Tuhan!

MAZMUR 119:108

Apuo' noyo pakiasian paringkuanangan kuno, iou Tuhan, am ilaa' aku no ra panusuban Muno.

MAZMUR 18:49

am binayag No aku intor ra pantula' kuno. Iou Tuhan, pinamanang Mu aku intor ra pantula' kuno am manindung raki' intor ra ulun mamamatoi.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 33:18

am masalok soroi imam intor ra bansa' ru Liwi koson mangandoi ayuk Raki' am mampataak ra taak simbalui koson mapabansuk ra guang Kuno, taak simbalui koson paringkuanangan Raki', am taak-taak simbalui ra bokon.”

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

IMAMAT 7:12

Amon ru mapataak sasangulun no koson ra taak paringkuanangan ri Aki Kapuuno', musiti' io mapataak ra ruti' ondo' kalo linatakan ra ragi pabayaan ra bibiag ondo' pataakon no. Ruti' no kakapalon ayuk pana, ondo' baalon intor ra tapung latakin ra umau jaitun, kapoam ruti' malilis ondo' luitin ra umau jaitun, kapoam kuui ondo' baalon intor ra tapung ondo' latakin ra umau jaitun.

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

JUANIS 10:9

Aku noyo kulobon. Osoi ayuk mangintopot Raki', bayagon io; mingkual am sumubol am poyo makaakanon io.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 6:19

Alapon ku tiluan ru ulipon ti sabap ra mangailo kau mangarati'. Ra galing i pinoloso noyo kaayagan mino galama' sumauk ra ulipon ru baal majamol koson mambaal ra malaat. Koson niayuk raino, polosoo' noyo kaayagan mino galama' sumauk ra ulipon ru kasagaan ri Aki Kapuuno' koson akau galama' patimpokon Riso.

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.