IBRANI 13:13 - Tanou Moonsoi Timugon

¹³ Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.

IBRANI 13:13 ပူးပေါင်းရင်းမြစ်များ

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 27:32

Paat ra ilo mingkual, kauma' nilo sangulun intor ra pekan Kirini ininggalanan i Simon. Jinajalan io ti mansaan ra salip ri Jisus.

MATIUS 5:11

Pakaansuk kano amon ru asabin, imboloon am niayuk ilaaton kau ru ulun, sabap ra akau mangintopot Raki'.

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

LUKAS 9:23

Indagu Io risilo ngaangai', “Osoi masaga' maya' Raki' no, lilianin no katasuan ru kaayagan nano galama'. Moonong orou mansaan io ra salip nano galama' am maya' Raki'.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 12:3

Guango' min noyo ati koson Io inimbolo' am kasisangin ru ulun makatula, maa' raginio kalo lumawo kau saboi mangkaus.

IBRANI 12:4

Ra akau mantutula' ra kuasa' ru tula, kalo poyo igondo' sangulun intor ramuyun giminula' suku' potoyon.

1 PITRUS 4:4

Kaa' raino maliangan boo ulun ondo' kalo mangintopot ra Tuhan ra kalo boo maya' kau ra jajou nilo. Ginio nai puun ra ilo magasab boo ramuyun.