IBRANI 13:11 - Tanou Moonsoi Timugon

¹¹ Raraa' ru bibiag ondo' alapon ra taak simbalui koson mangampun ra tula ibiton ru Tingganai Maayo Imam giu' ra Intok Matulai Kaga'. Kaa' baangkai ru bibiag no solobon patiri' ra liwar ru kim.

IBRANI 13:11 ပူးပေါင်းရင်းမြစ်များ

KAINGKUALAN 29:14

Kaa' kual, kungkung am tinai' ru sapi' gawayan no solobon ra liwar ru pangkiman. Ginio noyo taak ra sinimbalui koson pangampunan ra tula ru imam-imam.

YEHEZKIEL 43:21

Alapo' anak ru sapi' gawayan ondo' pataakon koson ra taak simbalui koson mangampun ra tula, am solobo' taak simbalui no giu' ra intok ondo' inaru', iono giu' ra liwar ru intok mapasau ra Baloi ru Tuhan.

IMAMAT 16:27

Sapi' gawayan am kambing ondo' pataakon tayar ru taak simbalui koson mangampun ra tula, am ondo' raraa' no ibiton giu' ra ralalom ru Lamin Matulai Kaga' tayar mamuso ra tula, musiti' ibiton mingkual giu' ra liwar ru pangkiman am solobon. Kungkung, kual am tinai' ru karuruo bibiag no musiti' solobon ngaangai' no.

IMAMAT 6:11

Kopongo raginio musiti' imam no mangalig ra binayang nano am magibit ra kaau mongoi ra liwar ru pangkiman, giu' ra intok ondo' timpok ru kaau no.

IMAMAT 6:30

Kaa' amon ru makararaa' ru bibiag no ondo' inumpasan ralalom ru Kim ru Tuhan pinakai boo koson upacara pangampunan ra tula, kual ru bibiag no kalo maakan; bibiag no musiti' solobon.

IMAMAT 9:11

Kaa' solobo' ri Arun kual ru sapi' gawayan no am kungkung no giu' ra liwar ru pangkiman.

IMAMAT 9:9

Anak-anak ri Arun nagibit ra raraa' ru sapi' no riso, pososopo' ri Arun bubua' ru kalindu' nano ra raraa' no, pakupilo' boo raraa' no ra sangau giu' ra pisuk ru altar. Pawaso' no suwo ru raraa' no giu' ra tampilon ragana' ru altar.

UNTABAN 19:3

Pataakon boo ri Musa am i Arun sapi' no ra Imam Iliajar. Sapi' no musiti' ibiton ra liwar ru pangkiman am simbaluyon ra saang ri Imam Iliajar.

UNTABAN 19:7

Imam no musiti' mampupu' ra bayang nano am mariu', am io makaumpos ra pangkiman, kaa' magulayun io majamol saboi tumolop mato ru orou.