IBRANI 12:3 - Tanou Moonsoi Timugon

³ Guango' min noyo ati koson Io inimbolo' am kasisangin ru ulun makatula, maa' raginio kalo lumawo kau saboi mangkaus.

IBRANI 12:3 ပူးပေါင်းရင်းမြစ်များ

AMSAL 24:10

Ulun malawo bulintok ra sasou, sotopot no io ulun lamumu'.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

MATIUS 12:24

Paat ra ulun-ulun ru Parisi nokorongog ragitio, taam ilo, “Mampagiru' Io ra riwato sabap ra inanian Io ra kuasa' ri Biiljibul, Tingganai ru riwato no.”

MATIUS 15:2

“Kua ra maamaya'-maamaya' Muno kalo gumagaya' ra pangilaan ondo' pinasaboi ru kinamatuaan takali? Paat ra mangakan kalo mambagu' ilo galing ra kalindu' maya' ra kaulayan ru ugama takau.”

MATIUS 21:23

I Jisus siminaguli' boo ra Baloi Tuhan. Paat ra Io nangila', tingganai imam Jaudi am tingganai ru ulun ru Jaudi ratong Riso am pangkuot, “Atan kia ra kuasa' Muno mambaal ra ngaangai' ragitio? Osoi nangani' Rirun ra kuasa' ragitio?”

MATIUS 21:46

Ginio ra ilo ti mirot toojo mamparakop ri Jisus, kaa' malaa' ilo ra ulun masuang i sabap ra ilo mangkara' i Jisus ti sangulun nabi.

MATIUS 22:15

Ulun ru Parisi naguguum koson mangkinam ri Jisus ra kukula' pangkuatan.

LUKAS 14:1

Sangarawan ra orou Sabat ru ulun ru Jaudi, minongoi i Jisus pangakan giu' ra baloi ru sangulun intor ra tayar Parisi ondo' nauligan toojo. Bambal ayuk ru ulun-ulun no monontong ri Jisus.

LUKAS 15:2

Tumalimpuun boo ulun-ulun ru Parisi am mangingila' ra ukum ri Musa mangalimut Riso, konilo, “Ilai', ulun ti mangapu ra ulun ondo' karaan ra malaat am niayuk gumulung risilo mangakan!”

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

LUKAS 5:21

Kaa' mangingila' ra Ukum ri Musa am ulun-ulun ru Parisi nansusunur ra rondo' am bokon, “Osoi ulun ragitio ondo' makakau' magasab ri Aki Kapuuno'? Osoi mangampun ra tula kaa' i Aki Kapuuno' ayuk galama'?”

JUANIS 10:20

Masuang intor risilo minindagu ra, “Sinubol Io ru riwato! Mantuyang Io! Kua pangkirongog kau Riso?”

JUANIS 18:22

Karagu ginio ri Jisus, sangulun pulis ra giu' i nampalapis ra pingas Nali, am indagu, “Ginio kia tataam Muno ra Tingganai Maayo Imam?”

JUANIS 5:16

Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat.

JUANIS 7:12

Ulun masuang i pana posokonos ayuk mansunur Riso. Mokoondo' mindagu ra, “Ulun moonsoi Io.” Mokoondo' poyo bokon mindagu, “Kalo! Mampakalayau Io ra ulun.”

JUANIS 8:13

Ginio ra mindagu ulun-ulun ru Parisi, “Raino Okou mampaintutun ra baal Muno galama'. Kaintutunan Muno kalo motopot!”

JUANIS 8:52

Indagu ilo ri Jisus, “Raino naimumuyan mai noyo toojo ra motopot sinubol Kou ru riwato! I Abragam galama' minatoi, nogondo' niayuk ra nabi-nabi, kaa' kamu; ‘Osoi ayuk gumagaya' ra pangilaan Kuno, ulun no kalo makaili' ra kapatayan.’

JUANIS 8:59

Ginio ra anam ulun-ulun ru Jaudi ra batu pomobol ri Jisus, kaa' nansibuni Io am nangiruan ra Baloi Tuhan i.

JUANIS 9:40

Kukula' ngaulun ru Parisi ondo' soroi ra giu' i, nakaining ra rinagu Nani. Ginio ra pangkuot ilo Riso, “Atan, akai ti bolou kia rokoon Muno?”

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 4:1

Ginio nai kalo malawo guang mai, sabap ra ralalom ru asi' Nano nangani' i Aki Kapuuno' ramon ra kandoi ragitio.

2 KORINTUS 4:16

Ginio sabap ra akai kalo malawo guang. Kabalu' pana inan maiti mapuso, kaa' guang mai talimbaguin ra moonong orou.

GALATIA 6:9

Ginio ra, pai' takano kajala' mambaal ra ondo' moonsoi. Sabap ra amon ru kalo malawo guang takau, masuku' niayuk paat ra itakau mangkumos ra ampos nano.

SAGULION 20:3

‘Rongogo' noyo, ulun ru Israil kau ngai'! Orou raiti' mangayou kau. Pai' kalaa' ra pantula', pai' katatak ambiluo am pai' pagalabo.

2 TISALONIKA 3:13

Pabukat ku ngai', pai' kano kalawo guang mambaal ra moonsoi.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 12:5

“Nakalilian kano kia ra bala' ri Aki Kapuuno' ra Io minindagu ramuyun koson ra anak Nano? Kon Nano: Anak Ku, guango' min ra akau loposon am ilaan ru Tuhan, am pai' pangkaus amon ru mansawai Io ramuyun.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

PINAINTALANG 2:3

Kataan guang mino ra akau imboloon sabap ra Aku am kalo lumugut kau.

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.