IBRANI 12:25 - Tanou Moonsoi Timugon

²⁵ Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 12:25 ပူးပေါင်းရင်းမြစ်များ

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

2 TUNUNG RU BANSA' ISRAIL 7:19

Kaa' amon ru okou am mamagun muno kalo gumagaya' ra ukum am susuban ondo' tinaakan Ku noyo ramuyun, am sumamba ra tuhan-tuhan ra bokon,

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 20:22

Panusub Tuhan ri Musa mindagu ra ulun ru Israil no, “Nakito min ati kulaan ra Aku, Tuhan mindagu ramuyun intor ra limbowon.

AMSAL 1:24

Piawon takamin rumatong kaa' kalo mangkirongog kau. Kalo lioon min aku.

AMSAL 1:32

Ulun ra kolondo' katutunan matoi sabap ra mampalilian raki', am ulun budu mapuso sabap ra kalo mampalio raki'.

AMSAL 13:18

Ulun ra kalo masaga' ilaan maaru' masauk musikin am maasaban, kaa' ulun ondo' mampalio ra bilin maaru' urumaton.

AMSAL 15:32

Ulun ra marara' migigila', kalo mangurumat ra inan nilono. Ulun mangkirongog ra pansawayan, masauk ra mapintar poyo.

AMSAL 8:33

Apuo' min pangilaan kuno am kasauk no ra mapintar; pai' min polosoo' ginio.

JISAYA 48:6

Nansalinut panalaan Kuno nasauk noyo ragino, musiti' no iowon min ra panalaan Kuno motopot. Ragino manala' Aku ra baal-baal nakabagu, inopot-inopot ra kalo poyo napandayan min.

JISAYA 64:9

Ginio ra pai' noyo ianga' sangit ramon, kapoam mangkara' ra tula mai ra sabuoi-buoi no. Akai ulun Muno, pakaasi' noyo ramon.

JIRIMIA 11:10

Nambaal ilo ra tula ondo' binaal ru kinamatuaan nilai ondo' marara' gumagaya' Raki'; sinamba nilo tuhan-tuhan ra bokon. Israil am poyo Jiuda minanggal ra nabantuan ondo' binaal Kuno ra kinamatuaan nilai.

YEHEZKIEL 5:6

Kaa' Jirusalim giminuor ra susuban Kuno, am nasingkual ra malaat poyo intor ra bansa'-bansa' ra bokon, mulu' poyo kalo gumagaya' intor ra pagun-pagun ra libung nano. Minanggal Jirusalim ra susuban Kuno am kalo gumagaya' ra ukum Kuno.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

UNTABAN 32:15

Amon ru akau, bansa' ru Rubin am bansa' ru Gad kalo gumagaya' ra Tuhan raino, igondo' poyo Tuhan mangiruan ra ulun ru Israil ra tana' kaagisan ti, am akau noyo nangkinibit ra kapusaan nilono.”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 8:4

I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

RINALATAN 7:35

“I Musa kalo iniou ru ulun ru Israil. Ginio ra minindagu ilo, ‘Osoi guat nanusub rirun masauk ra tingganai am akim mai?’ Kaa' io no sinusub ri Aki Kapuuno' nasauk ra tingganai am mamamayag, mabaya' ra indangan ru malaikat ondo' nakito no ra bulungkut bibilak i.

SAGULION 18:19

Mindagu nabi no ralalom ru inggalan Kuno, am mangukum Aku ra moonong ulun ondo' kalo masaga' gumagaya' riso.

SAGULION 30:17

Kaa' amon ru kalo gumagaya' kau am kalo masaga' rumongog, am polosoon inan min palayawon koson sumamba ra tuhan-tuhan ra bokon,

SAGULION 4:36

Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

2 TIMOTIUS 4:4

Kalo boo mangkirongog ilo ra ondo' motopot no, kaa' mangkirongog boo ra ondo' tutunungon ra binaal-baal ayuk.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

IBRANI 12:19

Am nakaining ilo ra bolos ru bujung am poyo ragu ra mapuor, saboi ra palanggain nilo boo.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 3:17

Ri osoi kia sinangitan Nano buoi apat ngoopor ngambilor? Ilo tupo ondo' nambaal ra tula am minatoi giu' ra tana' kaagisan.

IBRANI 8:5

Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

JOSUA 22:15

Nakasaboi ilo ra libung Giliad am minuma' ra bansa' ru Rubin, Gad am Manasi Sirangon.

JOSUA 22:16

Tayar ra bala ru ngaangai' ulun ru Tuhan, indagu ilo, “Kua kia pambaal kau ra baal ondo' malaat ti ri Aki Kapuuno' ru ulun ru Israil? Binaal altar raginio, giminuor kau ra Tuhan! Kalo boo maya' kau Riso!

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 22:9

kaa' indagu io raki', “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am koson ra pabukat-pabukat muno ioginio nabi-nabi no, am ngaangai' ondo' gumagaya' ra bala' tinulisan ra kitab ragitio.”