IBRANI 12:23 - Tanou Moonsoi Timugon

²³ Nakasaang kau noyo ra bunsag maayo mabaya' ra anak-anak katuaan ri Aki Kapuuno', ondo' inggalan nilono tinulisan noyo giu' ra suruga'. Mininggaar kau ri Aki Kapuuno' ondo' mangakim ra ngaangai' ulun, am poyo ra ambiluo-ambiluo ru ulun motopot ondo' tinanda' ri Aki Kapuuno'.

IBRANI 12:23 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

MAZMUR 111:1

Omporo' noyo Tuhan! Nakai' guang kuno maringkuanang ra Tuhan ralalom pantitimungan ru ulun Nano.

MAZMUR 69:28

Patuliso' noyo ngaangai' tula nilono; pai' ilo ampuno'.

MAZMUR 89:27

Mindagu io Raki', ‘Okou noyo Ama' kuno am i Aki Kapuuno' kuno; Okou noyo manindung am mamamayag raki'.’

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

MAZMUR 94:2

Okou noyo akim ru ngaangai' ulun; ingkakat no am balasi' noyo ulun malilimbau, gumondo' ra binaal nilo.

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

MAZMUR 98:9

sabap ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

KAINGKUALAN 13:2

“Patimpokon Raki' ngaangai' anak ungkuyon katuaan. Moonong anak ungkuyon katuaan ru ulun ru Israil, am moonong anak ungkuyon katuaan ru bibiag Aku noyo tatangan.”

KAINGKUALAN 32:32

Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

JUANIS 5:27

Nangani' Io ra Anak ra kuasa' mangakim, sabap ra Io no Anak ru Ulun.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

1 KORINTUS 15:49

Koson niayuk itakau raino mogondo' ri Adam ondo' binaal intor ra tana', kaa' maagu no itakau mogondo' Riso ondo' intor ra suruga' i.

1 KORINTUS 15:54

Paat ra ondo' mapuso no maaligan ra mantilayun, ioginio ondo' matoi maaligan ra kalo matoi, am masugut boo ragu ru Buuk Kitab ra, “Kapatayan mapuso noyo; namanang noyo i Aki Kapuuno'.”

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

IPISUS 1:22

Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.

SAGULION 21:17

Musiti' io mantayar ra rapu' induo ruli' ra anak katuaan nano, kabalu' pana anak raginio sala' ka anak ru andu' tagamin nano. Musiti' sangulun ama' mangiou ra anak katuaan nano, am mangani' riso ra tayar ru rapu' ondo' masauk ra tungkuson nano sumugut ra aturan.”

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

1 TIMOTIUS 3:5

Sabap ra amon ru mailo io magalung ra sasambaloi nano galama', ati kulaan io makapaningganai ra pasimpungan ulun Kristian?

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

IBRANI 11:40

sabap ra nangaru' Io noyo ra rondo' baal moonsoi poyo ritakau ngai', ioginio, ra mabaya' ayuk ritakau, ilo no saukon ra matanda'.

IBRANI 2:12

Minindagu Io ri Aki Kapuuno': “Mapaintutun Aku ra pabukat Kuno ra inggalan Muno; mongompor Aku Rirun giu' ra pasimpungan nilo.”

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 6:11

Moonong risilo ti inanian ra sukub ra mapulak. Sinusub ilo boo tumangus ra kula' buoi poyo saboi suang ru rangan mangngandoi am pabukat nilono ondo' potoyon koson risilo no, ukopon galing.

PINAINTALANG 6:9

Lungkabo' boo ru Anak Domba no segel kalimo am kakito ku mamaar ra altar no mokoondo' ambiluo ru ulun pinatoi. Ilo ti pinatoi sabap ra nampatanou ra bala' ri Aki Kapuuno' am sabap ra kaintutunan nilono.