IBRANI 12:22 - Tanou Moonsoi Timugon

²² Kaa' sotopot no nakainggaar kau ra Bulur Sion am bandar ri Aki Kapuuno' ondo' maayag no, ioginio Jirusalim am poyo riribu malaikat giu' ra suruga'.

IBRANI 12:22 ပူးပေါင်းရင်းမြစ်များ

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

MAZMUR 68:17

Kua intor ra tampak muno ra masuang no tontong muno sumolon ra Bulur Sion ondo' pinili' ri Aki Kapuuno' koson ayanan Nano? Sabuoi-buoi no Tuhan mayan ra giu'.

MAZMUR 84:2

Mapara' piboo kinoonsoi ru Baloi Muno, iou Tuhan Ondo' Maayo Kaga' Kuasa'!

MAZMUR 87:3

Rongogo' noyo, okou bandar ri Aki Kapuuno', Baal-baal ra moonsoi ondo' sinabit Nano ra koson rirun:

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 14:32

Atan kia pataamon takau ra ulun-ulun sinusub ru ulun ru Palistin? Balain takau ra Tuhan noyo napabigor ra Sion, am ulun Nano naimbolo' makaalap ra sindungan ra giu'.

JISAYA 24:23

Bulan masauk molondom am mato ru orou kolondo' boo sinda, sabap ra Tuhan Ondo' Maayo Kaga' Kuasa' masauk ra raja'. Mamarinta Io ra Bulur Sion giu' ra Jirusalim, am mapabala' ra katulayan Nano ra ngaangai' tingganai ru ulun Nano.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 51:16

Aku noyo namingkal ra limbowon am napabanta' ra lonor ru tana'. Mindagu aku ra Sion, ‘Akau noyo ulun Kuno; pataakon Ku pangilaan Kuno ramuyun am mangampin ramuyun ra kuasa' Kuno.’ ”

JISAYA 59:20

Kon ru Tuhan ra ulun Nano, “Matong Aku ra Jirusalim koson manungka' am mamayag ra ngaangai' ulun ondo' timinalikur ra tula.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 17:25

Amon ru totopot kau manugut ra susuban Kuno, raja'-raja' am pagawai ondo' mamarinta koson ri Daut sumubol ra kulobon-kulobon garabang ru bandar Jirusalim. Mabaya' ilo ra ulun ru Jiuda am mamagun ru Jirusalim, tumampak ra kurita' kuda am mangura' ra kuda, saboi bandar Jirusalim mososok ra ulun ra sabubuoi no.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 5:35

kapoam tana' ti alapon min ra sasi', sabap ra tana' ti papakirawan ri Aki Kapuuno' ra kalayam Nano; kapoam bandar Jirusalim alapon min ra sasi', sabap ra ginio bandar ru raja' maayo toojo.

ROMA 11:26

Koson raginio ngaangai' ulun ru Israil bayagon. Tinulisan noyo ra Buuk kitab; “Intor ra bandar Sion matong Mamamayag no, mangiru' Io ra ngaangai' kalaatan ru papag ri Jakub.

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.

IPISUS 2:19

Ginio nai ra raino akau ondo' sala' ka ulun ru Jaudi kalo boo pasuayon, kapoam karaan ra ulun bansa' ru bokon. Raino nasauk kano ra ulun ri Aki Kapuuno', akau no niayuk anak Nano.

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

PILIPI 3:20

Kaa' itakau ti mamagun ru suruga' mogondo' ri Tuhan Jisus Kristus, Mamamayag takau ondo' matong poyo saguli'. Am Io no inaanin takau mabaya' ra guang moondom.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

IBRANI 10:31

Aibui boo risilo ondo' akimin ri Aki Kapuuno' ondo' maayag no!

IBRANI 11:10

Io ti naginaa ra bandar ondo' mantilayun, ioginio intok ondo' inaru' am saukon ri Aki Kapuuno'.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 13:14

Sabap ra giti ra tana' ti itakau kolondo' pagun randanan, kaa' sotopot no maguyum takau poyo ra randanan ondo' matong no.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

PINAINTALANG 21:10

Ambiluo ri Aki Kapuuno' nanguasa' raki' am inibit aku ru malaikat no tumampak ra rondo' gunung masawat kaga'. Nanulu' io raki' ra bandar Jirusalim, Bandar Matulai no. Bandar no tumuun intor ra suruga', intor ri Aki Kapuuno'.

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.

PINAINTALANG 22:19

Amon ru osoi ayuk mangiruru' ra bala' ondo' tinulisan ra kitab ragitio; iruon niayuk ri Aki Kapuuno' tayar nano intor ra kawa' ru puun ru mampakaayag am intor ra Bandar Matulai no, ondo' pinabala' ralalom kitab ragitio.

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

PINAINTALANG 7:2

Kakito ku boo malaikat ra bokon poyo siminalula' intor ra sirangon nagibit ra saap ri Aki Kapuuno' ondo' maayag. Nampiau malaikat no ra bolos mosongou ra kaapat malaikat ondo' inanian ri Aki Kapuuno' ra kuasa' mampalunsai ra lantur am raat ti.