IBRANI 12:19 - Tanou Moonsoi Timugon

¹⁹ Am nakaining ilo ra bolos ru bujung am poyo ragu ra mapuor, saboi ra palanggain nilo boo.

IBRANI 12:19 ပူးပေါင်းရင်းမြစ်များ

KAINGKUALAN 20:22

Panusub Tuhan ri Musa mindagu ra ulun ru Israil no, “Nakito min ati kulaan ra Aku, Tuhan mindagu ramuyun intor ra limbowon.

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

1 KORINTUS 15:52

Koson ra sangkuliop ayuk, paat ra bujung ra pupus no samputin, ulun namagatoi bayagon saguli' mabaya' ra inan mantilayun, am itakau ti pana kulawon.

SAGULION 18:16

Paat ra akau tumimung giu' ra Gunung Sinai, pakitaak kau maa' raginio kalo bagu mokorongog kau ra Tuhan mindagu, kapoam makakito ra ratangan Nano ondo' bibilak, sabap ra malaa' kau matoi.

SAGULION 4:11

“Balai' anak-anak mino ati kulaan akau minatong am minigor giu' ra pipilon ru gunung ondo' natauban ru gaun makapal intor ra lisun maitom, am ru apui ondo' mapaang saboi ra limbowon.

SAGULION 4:12

Balai' ilo ati kulaan Tuhan minindagu ramuyun intor ralalom ru apui no, am ati kulaan akau nokorongog ra bolos Nano kaa' kalo nakakito Riso ralalom atan pana baal.

SAGULION 4:33

Igondo' kia mokoondo' bansa' magulayun naayag malupus nokorongog ra rondo' tuhan mindagu intor ralalom ru apui koson ra nailian min?

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.