IBRANI 12:14 - Tanou Moonsoi Timugon

¹⁴ Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

IBRANI 12:14 ပူးပေါင်းရင်းမြစ်များ

KASAUKAN 32:30

Indagu i Jakub, kono, “Nakauma' aku noyo ri Aki Kapuuno', am maayag aku poyo.” Ginio ra inggalani' ri Jakub intok raginio Piniil.

AYUP 19:26

Kabalu' pana kungkung kuno nakai' akano' ru maruol, kaa' makakito aku ri Aki Kapuuno' buoi ra aku makainan.

AYUP 33:26

Iowon ri Aki Kapuuno' kitaakon nano paat ra io makiasi'; sambaan no i Aki Kapuuno' ra maansukan, am tapulion ri Aki Kapuuno' baal nano.

MAZMUR 120:6

Nabuoi aku no kaga' naayag ondo' makaaya' ra ulun masisang ra pababansayan.

MAZMUR 133:1

Rimbai ru ratangan ri Daut. Mapara' piboo bonsoi am kinatasu' no, amon ru ulun ri Aki Kapuuno' mogogondo' guang!

MAZMUR 34:14

Pai' min pasalulaa' ragu-ragu ra malaat, am pai' kasaga' magabau.

MAZMUR 38:20

Ngaangai' pantula' mangaligag am mangaikang; masuang ulun masisang raki' ra kolondo' sasaban.

MAZMUR 94:15

Katimpakan pabigoron poyo ra makama, am ngaangai' ru ulun mabanis guang manungka' riso.

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

AMSAL 17:14

Talimpuun ru pansangaran koson ra sansag lumata'; ampangi' min pansangaran ra kalo poyo makatalimpuun.

JISAYA 51:1

Tuhan mindagu, “Rongogo' Aku no, akau ondo' masaga' bayagon am ratong kano Raki' makiindangan. Karaan noyo gunung batu intor min natulisan, am pangkalian ra batu intor min nakali.

MARKUS 9:50

Usi' moonsoi, kaa' amon ru mapalo usi' no, ati koson kaasinon saguli'? Tilu kano ra usi', ioginio mobobonsoi kau ra rondo' am bokon.”

LUKAS 1:75

am mambaal ra kasagaan Nano am mangandoi Riso ayuk, buoi itakau maayag ra tana' ti.

ROMA 12:18

Amon ru maalap min, pobobonsoi kano ra ngaangai' ulun.

ROMA 14:19

Intor raginio, kasalok takano mirot maayag ra rondo' guang am magigikang ra pangintapatan.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

GALATIA 3:21

Gitio kia arati' ra Ukum ri Musa am binantu' ri Aki Kapuuno' mantula' boo? Sotopot no kalo noyo toojo! Sabap ra amon ru nataakan noyo rondo' ukum ugama ondo' makapangani' ra kaayagan ra ulun, am ulun boo mokopobonsoi saguli' ri Aki Kapuuno', amon ru mampagagaya' ilo ayuk ra ukum ugama no.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

PILIPI 3:12

Kalo noyo lair mindagu aku ra matanda' aku no am kolondo' sala ku. Kaa' rayuson ku ayuk mompogogot ra taak ondo' pinatampos noyo raki' kalalair ri Jisus Kristus. Ginio boo puun ra Io nampasauk raki' ra maamaya' Nano.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.

IBRANI 12:10

Lapos am ila' ru ama' takano ondo' maya' ra pamaguangan nilo moonsoi, sotopot no kalo mantilayun; kaa' lapos am ila' ri Aki Kapuuno' inatang No ritakau, maa' raginio kolondo' boo tula takau mogondo' Riso.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 3:11

Moonsoi ru inggalurin no kalaatan am mambaal ayuk ra moonsoi; am poyo gumogot toojo paguyum ra pabansayan, suku' moowot no.

1 PITRUS 3:13

Osoi kia masaga' mampakalaat ramuyun, amon ru masalok kau mambaal ra moonsoi?

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.

TINGGANAI RU BANSA' 11:14

Nanusub poyo i Jipta ra ulun sinusub mongoi ra raja' ru Amon