IBRANI 12:13 - Tanou Moonsoi Timugon

¹³ Parayus kano baya' ra ralan mabanis am pangindangan ra bokon, koson ra ulun pakira' no kalo masilik, kaa' mapali' boo.

IBRANI 12:13 ပူးပေါင်းရင်းမြစ်များ

JISAYA 35:3

Kaikango' noyo kalindu' ra lamumu', am kaikango' noyo atur ondo' mauyog.

JISAYA 35:6

Ulun kalo makaugar tumindak koson ra tambang, am bungangang magilakup makaansuk. Taur ru timug tumampusis giu' ra tana' kaagisan, am sungoi tumilis ra tana' kataunan.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 58:12

Bandar ondo' lair noyo nasauk ra tuntur ru napuutan baalon min sagulio' ra nambaalan lair. Piawon kau ra ‘Bansa' ondo' nambaal saguli' ra timbok-timbok am nambaal saguli' ra baloi-baloi ondo' natutuk.’ ”

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

LUKAS 3:5

Moonong limayak pumpunin, moonong gunung am bulur lampayon. Ralan ra parikou-rikou banison, am ralan ra takulubok pumpunin.

GALATIA 2:14

Kaa' paat ra aku nakakito ra kalo minaya' ilo toojo ra katapatan ru Tanou Moonsoi no, indagu aku ri Pitrus ra saang ru ngaangai' ulun ra giu' no, “Okou ti sangulun ru Jaudi, kaa' kaayagan muno koson ra ulun sala' ka Jaudi. Amon koson poyo raginio, ati kulaan okou mampajajal ra ulun sala' ka Jaudi sumugut ra kaulayan ru ulun ru Jaudi?”

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.