IBRANI 11:9 - Tanou Moonsoi Timugon

⁹ Sabap ra pangintapatan poyo, minayan io koson ra sangulun bansa' ru bokon giu' ra sampagunan ondo' binantu' riso i. Minayan io ra kim ayuk mogondo' ra anak nali i Isak am akupu nali i Jakub. Ilo pana nakaapu ra bantu' nogondo' naapu ri Abragam i.

IBRANI 11:9 ပူးပေါင်းရင်းမြစ်များ

KASAUKAN 12:8

Io pana namparayus poyo ra pangkiralanan mongoi ra tampilon rabugus ra kabuluran tampilon sirangon ru bandar Bitil. Pangkim io boo ra lolot ru Bitil am bandar Ai. Bitil tampilon kalasaan am Ai tampilon sirangon. Giu' no niayuk nambaal i Abram ra altar am samba ra Tuhan.

KASAUKAN 13:18

Ginio ra pabandingo' ri Abram kim nano am pamagun io mamaar ra puun-puun matulai giu' ra Mamri maar ra Gibron. Giu' no nambaalan nano ra altar ru Tuhan.

KASAUKAN 13:3

Io pana nangiruan ra intok raginio am ongoi ra rondo' intok ra bokon sumuku' ra Bitil. Nakasaboi io ra libung lolot ru Bitil am Ai, intok nangkiman nano ragili,

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 18:6

Pagindibok i Abragam minumpos ra kim am indagu ri Sara, “Ribaki', alap ra tapung moonsoi kaga' no am pambaal ra ruti'.”

KASAUKAN 18:9

Kopongo raginio, pangkuot ilo ri Abragam, “Ati andu' muno i Sara?” Taam i Abragam, “Giu' no, ralalom kim no.”

KASAUKAN 21:34

Kopongo raginio, nabuoi niayuk i Abragam minayan ra pagun ru ulun ru Palistin.

KASAUKAN 23:4

Konilo, “Aku ti ulun bansa' ru bokon ragiti ondo' minayan ramuyun. Talano' min raki' sanganu ra tana' mino maa' raginio molobong ku andu' kuno.”

KASAUKAN 25:27

Buayoi noyo karuo ngaulun anak magapir no. Nasauk i Isau ra sangulun moporong mampalula' am masaga' mayan ra limayak kaa' i Jakub makapaliso ra moomor am morondon ayuk ra baloi.

KASAUKAN 28:4

Gama' ru mambarakat i Aki Kapuuno' rirun am papag muno koson Io nambarakat ri Abragam, am gama' ru okou tatangan ra tana' inayanan mutu, ondo' pinataak noyo ri Aki Kapuuno' ri Abragam i!”

KASAUKAN 31:25

Pangkim i Jakub ra rondo' bulur, am pangkim i Laban nabaya' ra ulun-ulun nano ra libung ru kagunungan Giliad no.

KASAUKAN 35:27

Minongoi i Jakub tuum ri Isak, ama' nano giu' ra Mamri mamaar ra Gibron. Giu' no intok namagunan ri Abragam am i Isak ra galing i.

KASAUKAN 36:7

Minugar io sabap ra tana' inayanan nilo ri Jakub no kalo sumama', makabiniag ilo ra masuang kaga' am kalo boo makapasimpung ilo ra mabuoi.

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

MAZMUR 105:12

Galing i ulun ri Aki Kapuuno' kalo masuang, kaayagan nilo giu' ra Kanaan koson ayuk ra ulun bansa' ru bokon.

JIRIMIA 35:7

Nanginggalar io niayuk ramon mambaal ra baloi kapoam magitanom, manangumo kapoam mambali raginio. Nanusub io ramon maa' raginio magail mayan giu' ra kim, maa' raginio makaayan akai ra pagun ti koson ra ulun bansa' ru bokon.

IBRANI 6:17

Sabap ra maayo guang ri Aki Kapuuno' mampainono' ra ulun bantuin Nano ra kalo kulawon No bantu' Nano, rinuangan No bantu' i ra nagibot Io ra atan ondo' baalon Nano totopot masauk.