IBRANI 11:7 - Tanou Moonsoi Timugon

⁷ Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

IBRANI 11:7 ပူးပေါင်းရင်းမြစ်များ

KASAUKAN 19:14

Ugar boo i Lot ongoi pambala' ra karuruo ngaulun tamung ru anak-anak ruandu' nano am indagu, “Ribaki' min ingkual intor ragiti sabap pusoon ru Tuhan intok ragitio.” Kaa', tantamon nilo mangkuli ayuk i Lot.

KASAUKAN 6:13

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

KASAUKAN 6:22

Binaal ngaangai' ri Nuu ondo' nanusuban ri Aki Kapuuno' riso.

KASAUKAN 6:9

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno',

KASAUKAN 7:23

Napaluus Tuhan ra ngaangai' ondo' maayag ra tana' ti koson ra ulun, bibiag am susuit. Kaa' ondo' ayuk kalo minatoi, iono i Nuu am ngaangai' ondo' nababaya' riso ra kapal i.

KASAUKAN 7:5

I Nuu pana nambaal ra ngaangai' ondo' nanusuban ru Tuhan riso.

KASAUKAN 8:16

“Ingkual kano intor ra kapal mabaya' ra andu' muno, anak-anak ungkuyon muno am andu' nilono.

2 RAJA'-RAJA' 4:5

Kopongo raginio uli' napuor no am umpos ralalom ru baloi nabaya' ra anak-anak nano, am angabi' kulobon. Pangalap io ra umau jaitun intor ra rarapu' boborok no am pasasaro' no ra ralalom ru rarapu'-rarapu' ra bokon nalupus ayuk anak-anak nano nagibit ra rarapu'-rarapu' no riso.

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

AMSAL 22:3

Ulun mapintar miliu ra makalalaa' amon ru makito no, kaa' ulun budu polosoon no inan nano malumpa' ru karaat am pansagulian guang nano ra tauli no.

AMSAL 27:12

Ulun ra mapintar iliwin no kalaanan amon ru makito no, kaa' ulun sasambungon polosoon no io malumpa' ra karaat am tauli no pansagulian guang nano.

YEHEZKIEL 14:14

Kabalu' pana i Nuu, i Danil am i Ayup, talu ngaulun no minayan ra giu' no, kinoonsoi nilo makapamayag ayuk risilo galama'.” Koon raginio noyo ragu ru Tuhan Raja'.

YEHEZKIEL 14:20

Sabap ra Aku, Tuhan Raja', i Aki Kapuuno' ondo' maayag, inda' pana i Nuu, i am i Ayup minayan ra giu', kalo makapamayag ilo ra anak nilo galama'. Kinoonsoi nilo makapamayag ayuk ra inan nilo galama'.”

YEHEZKIEL 33:5

Pinatayan nano kinibit ru kasalaan nano galama', sabap ra kalo nampalio io ra tatandu' makalalaa' no. Amon nampalio io ra tatandu' makalalaa' no, maaru' bayagon io.

MATIUS 2:12

Ralalom rondo' inupi, magugulig ra butitin no pinakara' ri Aki Kapuuno' maa' raginio kalo sumaguli' ilo ra raja' Irodis. Ginio ra saguli' ilo ra pagun galama' baya' ra ralan ra bokon.

MATIUS 24:15

“Makakito kau ra Karaat Makalalaa', ondo' rinagu ri nabi Danil, migor ra Baloi Tuhan. (Pangkaraan ra mambabasa': Aratio' min atan pambalaan ragitio!)

MATIUS 24:25

Rongogo' min! Nakaindagu Aku noyo ramuyun paat ra kalo poyo nasuku' baal ti.

MATIUS 24:38

Koson niayuk paat ra kalo poyo rosob i, ulun mangakan am manginum, ungkuyon am ruandu' maguot saboi i Nuu siminubol ralalom ru kapal i.

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

LUKAS 17:26

Koson ra paat ru nabi Nuu ra galing i, koson niayuk raginio ra orou ru Anak ru Ulun:

ROMA 1:17

Sabap ra Tanou Moonsoi no manulu' ra ati kulaan i Aki Kapuuno' am ulun mobonsoi saguli' – ginio masauk ralalom ru mangintopot ri Aki Kapuuno', intor ra talimpuun suku' ra pupus no. Koson niayuk tinulisan ra Buuk Kitab, “Ulun ondo' mangintopot saboi mobonsoi saguli' ri Aki Kapuuno', ulun no topot-topot maayag.”

ROMA 10:6

Kaa' gitio noyo kon ru Buuk Kitab intor ra ralan mobonsoi saguli' ri Aki Kapuuno' mansail ra pangintapatan Riso, “Pai' pampaguang, osoi maloi ra suruga'? (ioginio koson magibit ri Kristus tumuun ritakau.)

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

ROMA 4:13

I Aki Kapuuno' nambantu' ri Abragam am ra papag nali, ra tana' ti ilo no tatangan. Ginio binantu' Nano sala' ka sabap ra giminagaya' i Abragam ra Ukum ri Musa, kaa' sabap ra nangintopot am inapu io ri Aki Kapuuno' koson ra sangulun ondo' mobonsoi saguli' Riso.

ROMA 9:30

Gitio noyo arati' ru raguon mai; ulun sala' ka Jaudi ondo' kalo mirot mobonsoi saguli' ri Aki Kapuuno', ilo noyo pinobonsoi saguli' ri Aki Kapuuno' ralalom ru pangintapatan nilo Riso.

GALATIA 5:5

Kaa' akai, malansan ayuk ri Aki Kapuuno' noyo mopobonsoi saguli' ramon Riso sabap ra pangintapatan mai. Ginio noyo inaanin mai ralalom ru kuasa' ru Ambiluo ri Aki Kapuuno'.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

IBRANI 11:1

Pangintapatan ti makaarati' ra mangintopot toojo atan ondo' kalansanin am niayuk mangintopot ra atan ondo' kalo makito.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

IBRANI 8:5

Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.

2 PITRUS 3:6

am pinuso No ngaangai' suang ru tana' ti mansail ra rosob ra galing i.