IBRANI 11:37 - Tanou Moonsoi Timugon

³⁷ Mokoondo' poyo pinatoi bobolo' ra batu am niayuk piniruo garagajio' kapoam tinobok saboi minatoi. Am poyo mokoondo' jajawot ayuk ra kolondo' intok randanan nilai; kungkung ru domba kapoam kambing ayuk bayang nilai sabap ra musikin ilo toojo. Nansalinut kapaganan am imbolo' ondo' natuum nilo.

IBRANI 11:37 ပူးပေါင်းရင်းမြစ်များ

2 SAMUIL 12:31

Suai raginio mamagun inibit am sinusub magibit ra gargaji, sangkul basi', kapak basi', am jinajalan ilo mangandoi ra intok pambaalan ra batu bata. Baal raginio binaal niayuk ra mamagun ru bandar-bandar ru ulun ru Amon ra bokon. Kopongo raginio Raja' Daut am ngaangai' ru saujor nano siminaguli' ra Jirusalim.

1 RAJA'-RAJA' 18:13

Kalo kia nakapandai kou ra paat ri Ijibil namatoi ra nabi-nabi ru Tuhan, nambuni aku ra maatus ngaulun nabi giu' ra ralalom ru luang batu? Tinayar ku ilo ra ruo ngampulalai, limo ngoopor ngaulun sampulalai. Aku pana nangani' risilo ra akanon am inumon.

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

1 RAJA'-RAJA' 19:1

Nambala' Raja' Agab ra andu' nano i Ijibil, ra ngaangai' ondo' binaal ri Ilia, am niayuk babaal ri Ilia namatoi ra ngaangai' nabi ru Baal.

1 RAJA'-RAJA' 19:10

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk rirun am ra Okou ayuk. Kaa' ulun ru Israil minanggal ra nabantuan nilo Rirun. Pinuut nilo altar Muno am namatoi ra ngaangai' nabi Muli. Aku ayuk sangulun ondo' lakat poyo naayag, am raino masaga' ilo mamatoi pinai raki'!”

1 RAJA'-RAJA' 19:13

Pokorongog i Ilia ra bolos raginio, silii' no bulos nano ra sukub nano, am ingkual am bigor ra kabang ru luang batu no. Kopongo raginio korongog bolos mindagu riso, “Ilia, atan baalon muno ragiti?”

1 RAJA'-RAJA' 19:14

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk Rirun am ra Okou ayuk. Kaa' ulun ru Israil minanggal noyo ra nabantuan nilono Rirun. Pinuut nilo altar Muno am namatoi ra ngaangai' nabi Muno. Aku sangulun ayuk ondo' lakat poyo naayag, am raino masaga' ilo mamatoi pinai raki'!”

1 RAJA'-RAJA' 19:19

Paat ri Ilia nangiruan ra intok no, nakatuum io ri Ilisa ondo' tatanga' mamparadu' ra tana'. Mokoondo' mopor am rondo' nantutuop sapi' giu' ra saang ri Ilisa, am i Ilisa galama' mamparadu' ra nantuop ra sapi' ondo' tauli toojo, iono nantuop ra sapi' ra koopor am ruo. Aluso' ri Ilia sukub nano am pabayango' ri Ilisa.

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

2 RAJA'-RAJA' 1:8

Taam ilo, “Nansukub io ondo' binaal intor ra kungkung ru bibiag, am inabot ra abot intor ra kungkung.” Golok raja' no, “Ulun no i Ilia!”

2 RAJA'-RAJA' 2:13

Kopongo raginio alapo' no sukub ri Ilia ondo' naratu'. Saguli' boo i Ilisa am bigor ra kiing ru Sungoi Jordan.

2 RAJA'-RAJA' 2:8

Kopongo raginio aluso' ri Ilia sukub nano, ruluno' no, am palambaa' ra timug ru sungoi no. Kalapak timug ru sungoi no napiruo saboi i Ilia am i Ilisa nakalaup ra sungoi minugar ra lonor ondo' mapua'.

1 TUNUNG RU BANSA' ISRAIL 20:3

Kopongo raginio tinimung ru Raja' Daut mamagun ru bandar Raba am nampajajal risilo mangandoi mamakai ra gargaji, sangkul basi' am panaa'. Binaal ru Raja' Daut baal ra nogondo' ra bandar-bandar ru Amon ra bokon. Kopongo raginio Raja' Daut am ngaangai' ru saujor nano siminaguli' ra Jirusalim.

2 TUNUNG RU BANSA' ISRAIL 24:21

Minaya' Raja' Joas naguguum ra mamagun koson manggal ri Jakaria, am ra ragu ru raja', mamagun nomobol ri Jakaria giu' ra liliut Baloi ru Tuhan.

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 26:23

Inibit nilo io siminaguli' ra Raja' Joyakim. Raja' pana nanusub boo ra ulun namatoi riso, am baangkai nano pinatiran giu' ra tana' kalabangan ru ulun kasuangan.

JAKARIA 13:4

Paat raginio, kolondo' boo nabi ondo' lumimbau sabap ra pinaintalang-pinaintalang nano, kapoam mangku ra sangulun nabi, kapoam nambayang ra sukub makabulu maa' raginio makapamparuung io ra ulun.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

MATIUS 21:35

Kaa' rokopo' nilo ulipon ru tatangan ra umo i. Sangulun i linamba' nilo, ondo' bokon i pinatoi nilo am bokon binobol nilo ra batu.

MATIUS 3:4

Binayang ri Juanis no binaal intor ra bulu ru unta, am abot nano binaal intor ra kungkung. Akanon nano gapu' am ruu' ru maningot.

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

LUKAS 13:34

Jirusalim, Jirusalim! Namatoi kou ra nabi-nabi am binobol mu ra batu ulun ondo' sinusub ri Aki Kapuuno' mongoi rirun! Ingkula' Aku noyo masaga' mampalulur ra ngaangai' mamagun muno, koson ra sanginan manuk puunan mampagupu' ra gogol nano ra kawo nano, kaa' marara' kou!

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

IBRANI 11:25

Sabap ra masaga' io ayuk ra imboloon mabaya' ra ulun ri Aki Kapuuno' intor ra mampagagaya' ayuk ra kalaayan ru guang makatula ondo' sangkinolor ayuk moonsoi.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”