IBRANI 11:33 - Tanou Moonsoi Timugon

³³ Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.

IBRANI 11:33 ပူးပေါင်းရင်းမြစ်များ

2 SAMUIL 10:12

Ikango' guang muno, am pangayou no ra baani tayar ra bansa' takau am tayar ra bandar-bandar ri Aki Kapuuno' takau. Gama' ru Tuhan no mambaal ra atan ondo' moonsoi Riso.”

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 13:28

Nangura' io ra kaladai nano am ugar. Natuum no baangkai ru nabi no nakalangan ra tanga' ru ralan, am kaladai am niayuk singa' minigor ra kiing nano. Singa' no kalo nangakan ra baangkai no kapoam nansaam ra kaladai no.

MAZMUR 144:10

Pinamanang Mu raja'-raja' no, am namayag ra ulipon Muno, i Daut.

MAZMUR 91:13

Kukuo am singa' kikinjangin mu, singa' ra masigo am kukuo ra mabisa'.

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 11:17

Sabap ra pangintapatan noyo, i Abragam nampataak ra anak nali i Isak koson ra rondo' taak simbalui paat ri Aki Kapuuno' nangkinam riso. Nanaak io niayuk ra anak langkuir nano, kabalu' pana binantuan io ri Aki Kapuuno' ra:

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

TINGGANAI RU BANSA' 4:1

Kopongo i Igud minatoi, makatula poyo ulun ru Israil ra Tuhan.

1 SAMUIL 12:4

Taam ngaangai' ulun no, “Kalo, kalo igondo' kou pamparuung kapoam pangimbolo' ramon. Kalo igondo' kou pangalap ra atan pana longgom ru ulun.”