IBRANI 11:32 - Tanou Moonsoi Timugon

³² Tunggulin ku poyo kia? Kaa' kalo niayuk makai' ku katunung baal ru ulun-ulun ru Israil, koson i Gidion, Barak, Simson, Jipta, raja' Daut, Samuil am poyo nabi-nabi ra bokon.

IBRANI 11:32 ပူးပေါင်းရင်းမြစ်များ

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

LUKAS 13:28

Mumpara' boo sulaboi am kinuritot ru ripon min ra tauli no, paat makito min i Abragam, Isak, Jakub am ngaangai' nabi giu' ra Tana' Bagu ri Aki Kapuuno', kaa' akau patirin ayuk ra liwar!

LUKAS 16:31

Kaa' taam i Abragam riso, ‘Amon ru kalo mangkirongog ilo ra kaintutunan ri Musa am nabi-nabi, kalo niayuk mangintopot ilo kabalu' pana mokoondo' maayag saguli' intor ra kapatayan.’ ”

JUANIS 21:25

Masuang poyo binaal ri Jisus ra bokon. Kaa' amon ru koyoon tulisi', guang ku titikop ru tana' ti pana kalo sama' pambulian ra kinasuang ru buuk no.

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

RINALATAN 13:20

Ngaangai' raginio nasauk buoi 450 ngambilor ragili. Kopongo ragili, anii' ilo boo ri Aki Kapuuno' ra akim suku' i Nabi Samuil.

RINALATAN 3:24

Ngaangai' nabi ondo' nakapampasaboi noyo ra bala' intor ri Aki Kapuuno', tumalimpuun intor ra nabi Samuil am suku' ra nabi ra bokon ondo' minatong ra tauli i, ngaangai' i nambala' ra baal ondo' masauk ra raino ti.

ROMA 3:5

Kaa' amon ru kalaatan takati mampainono' ra i Aki Kapuuno' mabanis guang, atan taaman takau? Makasala kia i Aki Kapuuno' amon ru mangukum Io ritakau? (Ragu kutu maya' ra pangkaraan ru ulun ayuk.)

ROMA 4:1

Amon ru ginio poyo, atan boo paraguon takau intor ra nailian ri Abragam, kinamatuaan takali?

ROMA 6:1

Amon ru ginio poyo, atan boo paraguon takau? Rumayus takau kia pambaal ra tula, maa' raginio gumaai poyo togom ri Aki Kapuuno' no ritakau?

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

JAKUBUS 5:10

Pabukat kau ngai', karaa' min noyo nabi-nabi ondo' nampasaboi ra bala' ru Tuhan ra galing i. Mataan guang am noorot nilo paat ra nakatuum ra kaimbalaan. Ilo ti noyo alapon min ra tiluan moonsoi.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

TINGGANAI RU BANSA' 13:24

Kukula' ngansila' raginio, naganak ruandu' no ra sangulun anak ungkuyon. Anak no ininggalanan ri Simson. Siminukor anak no am nambarakat Tuhan riso.

TINGGANAI RU BANSA' 15:20

Naningganai i Simson ra ulun ru Israil buoi ruo ngoopor ngambilor paat ulun ru Palistin nanguasa' ra pagun no.

TINGGANAI RU BANSA' 4:1

Kopongo i Igud minatoi, makatula poyo ulun ru Israil ra Tuhan.

TINGGANAI RU BANSA' 6:1

Igondo' poyo ulun ru Israil makatula ra Tuhan. Ginio ra nopoloso Tuhan ra ulun ru Midian nanguasa' risilo buoi tulu' ngambilor.

TINGGANAI RU BANSA' 6:11

Kopongo raginio paat ra rondo' orou minatong malaikat ru Tuhan ra pekan Opra am nanturung ra saau ru puun oak longgom ri Joas, sangulun intor ra bansa' ru Abiijir. Anak ungkuyon ri Joas ondo' makainggalan ri Gidion tatanga' mangagik ra gandum giu' ra intok pamagaan ra anggur. Nambaal io ra kandoi no ra sininok maa' raginio kalo makito io ru ulun ru Midian.

TINGGANAI RU BANSA' 6:14

Tuhan pana nanaak ri Gidion ra susuban ragitio, “Ra ngaangai' ru ikang muno, ongoyo' noyo palabuso' ulun ru Israil intor ra ulun ru Midian. Aku noyo ondo' nanusub rirun.”

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”

1 SAMUIL 12:11

Kopongo raginio nanusub Tuhan ri Gidion, am i Barak boo, am i Jipta boo am pupus toojo aku. Akai sigagama' napalabus noyo ramuyun intor ra pantula', saboi kaayagan min namimio.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 17:45

Kon ri Daut, “Okou matong manggal raki' ra ilang, tutura' am tanggulan. Kaa' aku matong manggal rirun ralalom inggalan ru Tuhan Ondo' Maayo Kaga' Kuasa', i Aki Kapuuno' ru saujor Israil ondo' inasaban muno.

1 SAMUIL 2:11

Kopongo raginio minuli' i Ilkana ra baloi nano giu' ra Rama, kaa' i Samuil, anak no minayan giu' ra Silo am mangandoi ayuk ra Tuhan inalungan ru Imam Ili.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 2:4

Napandak noyo busur ru saujor ondo' mapanggol, kaa' nasauk boo ulun ondo' malawo ra mapanggol.