IBRANI 11:27 - Tanou Moonsoi Timugon

²⁷ Sabap ra pangintapatan noyo, i Musa nagiru' intor ra pagun ru Misir am kalo nalaa' io ra sangit ru raja' Misir. Inorot no ayuk, koson ayuk ra nakito no noyo i Aki Kapuuno', Io ondo' kalo maalap kakito ru ulun.

IBRANI 11:27 ပူးပေါင်းရင်းမြစ်များ

MAZMUR 16:8

Malimanan ku ra Tuhan matong; soroi Kou minggaar raki', kolondo' rondo' pana makauyog raki'.

KAINGKUALAN 11:8

Pupus no indagu i Musa, “Ngaangai' pagawai muno matong am samba ra saang kuno. Makitaak ilo maa' raginio magibit aku ra ngaangai' bansa' kuno mangiruan ra pagun ti. Mopongo raginio mugar aku.” Nabaya' ra siminangit toojo, iruani' ri Musa raja'.

KAINGKUALAN 12:11

Paat mangakan, musiti' kau makapambayang noyo ra bayang koson mugar; mangkasut kau noyo am mampaguut ra jujuga'. Musiti' kau magindibok mangakan. Ginio noyo pangiantakan Paska koson mangurumat Raki', Tuhan.

KAINGKUALAN 12:50

Ngaangai' ulun ru Israil gumagaya' ra kaulayan no am mambaal ra atan ondo' nanusuban ru Tuhan ri Musa am i Arun.

KAINGKUALAN 4:19

Paat ra lakat poyo i Musa giu' ra Midian, indagu Tuhan riso, “Saguli' no giu' ra Misir sabap ra ngaangai' ulun ondo' masaga' mamatoi rirun minatoi noyo.”

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

MATIUS 24:13

Kaa' osoi ayuk tumaan saboi ra pupus no bayagon.

MARKUS 13:13

Ngaangai' ulun masisang ramuyun sabap ra akau maamaya' Kuno, kaa' ulun ondo' mokoorot saboi ra pupus no, ulun no bayagon.”

MARKUS 4:17

Kaa' kalo riminondon ra guang nilo am sangkinolor ilo ayuk. Katiu' ilo ra imbolo' am kapaganan sabap ra Tanou ti, mataki' ilo kalo boo mangintopot.

RINALATAN 2:25

Naragu noyo ru raja' Daut intor ri Jisus ti, kono, ‘Masalok aku makakito Rirun Tuhan ra saang kuno, sumumbaya' Kou raki' saboi kolondo' mantipagon raki'.

1 KORINTUS 13:7

Mataan io ra ngaangai' am masalok maguyum ra kaansayan ra ulun ra bokon. Ralalom ngaangai' baal kalo matatakan io ra kalansanan am magail mataan guang.

2 KORINTUS 4:18

Sabap ra kalo mampakaatang akai ra atan ondo' makito, kaa' ondo' kalo makito no. Atan ondo' makito no, kalo pantilayunon, kaa' ondo' kalo makito no ayuk mantilayun.

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

IBRANI 10:32

Karaa' min noyo ati kulaan min paat ragili ra akau kasaa' nakarati' ra Tanou Moonsoi. Kabalu' pana inimbolo' kau, kaa' timinaan kau.

IBRANI 11:1

Pangintapatan ti makaarati' ra mangintopot toojo atan ondo' kalansanin am niayuk mangintopot ra atan ondo' kalo makito.

IBRANI 11:13

Ngaangai' ulun raginio nampaguut ra pangintapatan saboi ra ilo minatoi, kabalu' ra kalo nokoowot ra atan ondo' binantu' ri Aki Kapuuno' risilo. Nakito ilo intor ayuk ra maalur am apuo' nilo. Ginio ra nangiou ilo ra giti ra tana' ti, ilo ti ulun bansa' ru bokon ondo' kolondo' intok karandanan galama'.

IBRANI 6:15

Naginaa ayuk i Abragam ra guang mataan, saboi nakaapu io ra atan ondo' binantu' ri Aki Kapuuno' i riso.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.