IBRANI 10:39 - Tanou Moonsoi Timugon

³⁹ Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

IBRANI 10:39 ပူးပေါင်းရင်းမြစ်များ

MAZMUR 44:18

Ngaangai' no lumumpa' ramon kabalu' pana akai kalo makalilian Rirun, kapoam lumungkang ra nabantuan Muli ramon.

AMSAL 1:32

Ulun ra kolondo' katutunan matoi sabap ra mampalilian raki', am ulun budu mapuso sabap ra kalo mampalio raki'.

AMSAL 14:14

Ulun malaat makaapu ra kinibit ru kalaatan nilo, kaa' ulun moonsoi makaapu ra balos intor ra kinoonsoi nilo.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

LUKAS 11:26

Ingkual riwato no am pangkimait ra tulu' riwato ra bokon ondo' malaat poyo intor riso, am ongoi ilo ayan ra inan ru ulun no. Baal ru ulun no malaat poyo toojo intor ra galing i.”

JUANIS 17:12

Buoi Aku soroi risilo, inalungan Ku ilo ralalom ru kuasa' ru inggalan Muno – io no kuasa' ondo' pinataak Muno Raki'. Inalungan Ku ilo am kolondo' sangulun pana intor risilo naluus, suai poyo ra sangulun i, ondo' inaru' noyo maluus. Maa' raginio, masugut boo ondo' tinulisan ra Buuk Kitab.

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

1 TISALONIKA 5:9

Sabap ra pai' ru pinili' takau ri Aki Kapuuno' koson ra ukumin, kaa' koson mokoowot takau ra pamayagan ralalom ri Jisus Kristus, Tuhan takau.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

IBRANI 10:26

Sabap ra amon ru nakatutun takau noyo toojo ra katapatan ri Kristus, kaa' sumingon takau poyo ruli'-ruli' ayuk mambaal ra tula, kolondo' noyo taak simbalui koson mangampun ra tula raginio.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”

IBRANI 11:1

Pangintapatan ti makaarati' ra mangintopot toojo atan ondo' kalansanin am niayuk mangintopot ra atan ondo' kalo makito.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

1 JUANIS 5:16

Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.

PINAINTALANG 17:11

Bibiag masigo ondo' galing i naayag kaa' raino kalo boo, io no raja' kabalu' ondo' sotopot no sangulun intor ra tulu' ngaulun raja' i, am io ti pusoon.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.