IBRANI 10:33 - Tanou Moonsoi Timugon

³³ Gili tinauyu' kau niayuk am inimbolo' kau ra tatanga' ru ulun masuang. Sanganuan poyo minaya' kau niayuk ra rangan mino paat ra ilo inimbolo' koson raginio.

IBRANI 10:33 ပူးပေါင်းရင်းမြစ်များ

MAZMUR 69:9

Koson aku ayuk ra ulun suai ra ngaangai' pabukat kuno, koson ayuk ra tambului ru pabukat kuno.

MAZMUR 71:7

Kaayagan kuno masauk ra tiluon moonsoi ru ulun masuang, sabap ra Okou manunungka' raki' ra maikang.

MAZMUR 74:22

Ingkakat noyo, iou Aki Kapuuno', am misungka' Kou galama' sabap ra monsongorou Okou asabin ru ulun ondo' kalo makaulig Rirun.

MAZMUR 79:12

Iou Tuhan, balasi' noyo bansa'-bansa' raginio intulu' ruli', sabap ra nagasaban nilo Rirun.

MAZMUR 89:51

Karaa' noyo Tuhan, ati kulaan ra ulipon Muno tauyuon; ati kulaan ra aku mansaan ra ulas ru bansa'-bansa'.

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

NAGUM 3:6

Pamakuan Kuno rirun nototop ra sisang; Binobol Tokou ra jamol. Tantangin kou ru ulun ra guang malaa'.

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

1 KORINTUS 4:9

Sumugut ra pamaguangan kuno, akai rasul pinatauli toojo ra ngaangai' ulun. Akai ti mogondo' ra ulun ondo' inukum potoyo' ra saang ru ngaangai' malaikat am ulun ru tana' ti.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

PILIPI 1:7

Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

PILIPI 4:14

Kaa' moonsoi niayuk binaal minti ra nangindangan kau raki' paat ra aku makakapaganan.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.

IBRANI 11:36

Mokoondo' poyo inasaban am linapos, am mokoondo' binangkil am inaput.

IBRANI 12:4

Ra akau mantutula' ra kuasa' ru tula, kalo poyo igondo' sangulun intor ramuyun giminula' suku' potoyon.

IBRANI 13:13

Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.