IBRANI 10:26 - Tanou Moonsoi Timugon

²⁶ Sabap ra amon ru nakatutun takau noyo toojo ra katapatan ri Kristus, kaa' sumingon takau poyo ruli'-ruli' ayuk mambaal ra tula, kolondo' noyo taak simbalui koson mangampun ra tula raginio.

IBRANI 10:26 ပူးပေါင်းရင်းမြစ်များ

IMAMAT 4:13

Amon ru ngaangai' ulun ru Israil makatula sabap ra minanggal rondo' ra susuban ru Tuhan ra kalo singonon,

IMAMAT 4:2

maa' raginio mambala' ra ulun ru Israil ra amon ru sasangulun no makatula am manggal ra rondo' ra susuban ru Tuhan ra kalo singonon, musiti' gagayaan ru ulun no aturan ragitio.

LUKAS 12:47

Ulipon ondo' nakapandai noyo ra kasagaan ru tuan nano, kaa' kalo tumampos io mambaal, loposon io ra maruol toojo.

JUANIS 13:17

Amon ru makapandai kau raginio, mulu' poyo bansuk min amon ru suguton min.

JUANIS 9:41

Taam i Jisus, “Amon ru noolou kau, kolondo' tula min. Kaa' nakaindagu kano ra kalo noolou kau, ginio ra tula mino pana tumilayun ayuk boo.”

SAGULION 17:12

Osoi baani mansang ra akim kapoam imam ondo' mangandoi musiti' ukumin ra matoi; gitio ralan min mamuso ra kalaatan ra Israil.

2 TISALONIKA 2:10

Mamparuung io ra mansalinut kalaatan ra ulun ondo' maaru' pusoon. Pusoon ilo sabap ra kalo nangapu am nonogom ilo ra katapatan intor ri Aki Kapuuno' ondo' makapamayag risilo.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

1 TIMOTIUS 2:4

ondo' masaga' ra ngaangai' ulun bayagon am makaulig ra katapatan.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

1 JUANIS 5:16

Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.