IBRANI 10:25 - Tanou Moonsoi Timugon

²⁵ Pai' takano impayi' mantitimung koson ra kaindalaman ru santayaran ulun. Pampakara' takano ra rondo' am bokon intor ra baal raginio, sabap ra mapandayan takau noyo ra kalo boo mabuoi ratangan saguli' ru Tuhan.

IBRANI 10:25 ပူးပေါင်းရင်းမြစ်များ

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 18:20

Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”

JUANIS 12:48

Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

RINALATAN 2:1

Paat nasuku' orou Pentekosta, rondo' pangiantakan maayo ru ugama Jaudi, ngaangai' ulun ondo' mangintopot ri Kristus timinimung ra rondo' intok.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

RINALATAN 20:7

Paat ra orou koonom ra iorondom, timinimung akai mangakan mababaya' ra pabukat Kristian no. Nangila' i Paulus ra ulun ra giu' no, sabap ra mugar io no ra suabon. Kalo liminonggo' io saboi tanga' ru rondom.

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

1 KORINTUS 11:20

Am poyo ra akau masisimpung, sotopot no sala' ka pagakanan ru Tuhan ondo' paugaron min.

1 KORINTUS 14:23

Amon ru paat ra pasimpungan ulun Kristian, ngaangai' makiasi' mindagu ra ragu imuagan, am ratong boo kukula' ngaulun ra bokon kapoam ulun ondo' sala' ka Kristian, maaru' ulun raginilo mindagu ra akau ngaangai' ti mantuyang.

1 KORINTUS 14:3

Kaa' ulun ondo' mampasaboi ra bala' intor ri Aki Kapuuno', potonowon no ginio ra ulun koson mampasingkot, mampaikang am mampabansuk risilo.

1 KORINTUS 3:13

Kaa' bonsoi ru kandoi ru moonong ulun no makito niayuk paat ra orou ratangan saguli' ri Kristus. Sabap ra paat raginio, kandoi ru moonong ulun makito am bonsoi ru kandoi nano pana kinamin ru apui.

1 KORINTUS 5:4

Amon matitimung kau, karaa' min ayuk koson ra soroi aku ramuyun mabaya' ra kuasa' ru Tuhan takau i Jisus.

PILIPI 4:5

Pakitono' min noyo kinoonsoi ru guang mino ra ngaangai' ulun, sabap ra mamaar noyo Tuhan sumaguli'.

1 TISALONIKA 4:18

Ginio ra kaikango' noyo guang mino ra rondo' am bokon ra ragu ragitio.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

IBRANI 10:24

Guango' takau, ati koson mangindangan ra ulun montotogom ra rondo' am bokon am poyo mambaal ra moonsoi.

IBRANI 10:37

Sabap ra mokoondo' tinulisan noyo ra Buuk Kitab: “Kalo boo mabuoi am sumuku' Io; kalo kabuoyon No ratangan Nano.

IBRANI 13:22

Pabukat kau ngai' ra Kristian, maminson aku po ra posoroto' min noyo pambalaan kutu ra guang pantataan, sabap ra surat kutu ragitio kalo kukula' maawar.

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

JAKUBUS 5:8

Moonsoi ru akau pana mataan am pai' kano kalawo guang, sabap ra orou ratangan saguli' ru Tuhan mamaar noyo.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

2 PITRUS 3:14

Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.

JUDAS 1:19

Ilo ti noyo ulun ondo' mangkinibit ra pantutuliaran ra ulun Kristian. Ilo ti kalo kinuasa' ru Ambiluo ri Aki Kapuuno', kaa' maingkinibitan ayuk ru guang malaat nilai no.