IBRANI 10:24 - Tanou Moonsoi Timugon

²⁴ Guango' takau, ati koson mangindangan ra ulun montotogom ra rondo' am bokon am poyo mambaal ra moonsoi.

IBRANI 10:24 ပူးပေါင်းရင်းမြစ်များ

MAZMUR 41:1

Ra tingganai ru santimungan maririmbai. Mazmur ri Daut.

AMSAL 29:7

Ulun moonsoi makapandai ra pagapuan ru ulun musikin, kaa' ulun malaat kalo makarati' ra baal koson raginio.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

ROMA 11:4

Atan taaman Nano riso? Kon ri Aki Kapuuno', “Soroi Raki' tulu' ngaribu ngaulun ondo' kalo igondo' siminamba ra tuhan sinungkalalaing Baal.”

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 KORINTUS 9:22

Am poyo ra aku sumimpung ra ulun ondo' malawo pangintapatan, paliso kuno koson ra ulun ondo' malawo pangintapatan, maa' raginio makapangkimait aku risilo mangintopot ri Kristus. Iou, makimogondo' aku noyo ra nansalinut paliso ru ulun, maa' raginio, amon ru maalap, makapangkimait aku ra kukula' ngaulun risilo mangintopot ri Kristus.

2 KORINTUS 8:8

Bilin kutu am sala' ka karaan min ra rondo' panusuban. Kaa' mambala' aku ayuk ra kapiratan ru ulun-ulun bokon no mangani' ra pangindanganan no, masaga' aku makapandai ra motogom kau kia toojo ra ulun bokon.

2 KORINTUS 9:2

Nakapandai aku ra akau masaga' mangindangan. Koson ragitio ompor kuno ramuyun ra ulun ru Makidonia ra aku minindagu risilo, “Pabukat min ra Kristian ra pagun ru Akaya nakatampos noyo kalalair ra taak nilai intor ra sambilaran i.” Kinataau min ti noyo nampakapirot ra guang ru kasuangan nilai.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

2 TISALONIKA 3:9

Sala' ka koson ra kolondo' sasaban mai makipakan ramuyun, kaa' nangani' akai ayuk ramuyun ra rondo' tiluan moonsoi.

1 TIMOTIUS 6:18

Pinsono' ilo poyo mambaal ra moonsoi, koson maluoi mangani' ra indangan am maansayan mantayar ra ulun ra bokon.

TITUS 2:4

maa' raginio makapangila' ilo ra ruandu' mangamulok ra ati kulaan tumogom ra ralaki am niayuk anak nilai no,

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

IBRANI 13:1

Pontotogom kano ra rondo' am bokon ra mabubukat takau ralalom ri Kristus.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.