IBRANI 10:22 - Tanou Moonsoi Timugon

²² Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 10:22 ပူးပေါင်းရင်းမြစ်များ

1 RAJA'-RAJA' 15:3

Koson ra ama' nali, Raja' Abiam niayuk makatula am kalo giminagaya' ra Tuhan, i Aki Kapuuno' nano. Io kalo koson ra Raja' Daut, kinamatuaan nali.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 111:1

Omporo' noyo Tuhan! Nakai' guang kuno maringkuanang ra Tuhan ralalom pantitimungan ru ulun Nano.

MAZMUR 119:10

Sotopot-topot no gogoton kuno gumagaya' Rirun; pai' aku polosoo' tumalansiang ra panusuban Muno.

MAZMUR 119:145

Ralalom intopot ru guang, mampiau aku Rirun; taamo' aku no, iou Tuhan; gagayaan ku panusuban Muno.

MAZMUR 119:2

Pakaansuk noyo ilo ondo' sumugut ra panusuban Nano, am gumagaya' Riso ra sotopot-topot no.

MAZMUR 119:34

Paratio' toojo raki' Ukum Muno maa' raginio magagaya' ku, am baalon ku ra sotopot-topot ru guang kuno.

MAZMUR 119:58

Makiasi' aku toojo Rirun; pakaasi' noyo raki' sumugut ra bantu' Muno.

MAZMUR 119:69

Ulun malilimbau manimbaal raki', kaa' sotopot-topot ru guang kuno suguton ku panusuban inatang Muno.

MAZMUR 119:7

Bulintok ra aku migila' ra namalantasan Muno ra matimpok, omporon Tokou ra sotopot-topot no.

MAZMUR 119:80

Gama' ru masugut ku ngai' panusuban Muno, am kalo tauyuon aku.

MAZMUR 32:11

Pakaansuk kano, akau ulun ra motopot, sabap ra ngaangai' ondo' binaal ru Tuhan. Pagilakup am pakaansuk no, akau ngaangai' ulun mabanis guang.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

MAZMUR 73:28

Kaa' guang ku, moonsoi poyo sumoroi mumbir ri Aki Kapuuno'. Makaalap aku ra sindungan intor ra Tuhan Raja', am potonowon ku ngaangai' ondo' binaal Nano.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 9:1

Ra tingganai santimungan maririmbai. Sumugut ra layuk ri Mut-Labin. Mazmur ri Daut.

MAZMUR 94:15

Katimpakan pabigoron poyo ra makama, am ngaangai' ru ulun mabanis guang manungka' riso.

KAINGKUALAN 29:4

“Ibito' i Arun am anak-anak nano ra kulobon ru Kim Kuno am paugaro' upacara pambaguan ra inan risilo.

AMSAL 23:26

Alii ra anak kuno, imansai' toojo am bayaa' bayag kuno.

JISAYA 29:13

Mindagu Tuhan, “Bansa' ragitio nangiou sumamba Raki', kaa' ragu-ragu nilono kolondo' onong, am guang nilono maalur intor Raki'. Ugama nilono pangatangan ayuk am kaulayan ru ulun ondo' kinara'.

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 3:10

Kabaal ngaangai' no, i Jiuda ondo' kalo gumagaya' no babaalon ayuk siminaguli' Raki', sabap ra guang nano kalo mabanis. Aku, Tuhan nakaindagu noyo.”

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

YEHEZKIEL 16:9

“Kopongo raginio nangalap Aku ra timug am nambagu' ra raraa' ondo' soroi ra inan muno. Linuitan Ku kungkung muno ra umau jaitun.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

IMAMAT 14:7

Patakison ru imam raraa' no intulu' ra ulun ondo' kapasawon intor ra maruol ru kungkung ondo' maaja', am potonowon no ra mapasau ulun no. Palabuson boo ru imam susuit ondo' biag no giu' ra tana' malimparang.

IMAMAT 16:4

Musiti' i Arun manutun ra aturan ragitilo. Kalo poyo mumpos i Arun ra Lamin Matulai Kaga', musiti' io mariu' am mambayang ra bayang ru imam; sukub, saluar mariwa', abot am serban, ondo' ngaangai' no binaal intor ra konoon linon.

IMAMAT 8:6

Ibito' boo ri Musa i Arun am anak-anak nano mongoi ra saang, am baalo' boo upacara mariu' risilo.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

UNTABAN 8:7

ra ralan ragitio: patakison risilo timug koson mamasau risilo, am susubon ilo sukurin ngaangai' inan am mampupu' ra bayang nilo. Koon raginio noyo ilo masauk ra mapasau.

MATIUS 3:11

Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

LUKAS 1:1

Tiopilus ondo' urumaton kuno, Masuang noyo ulun nopongo nanulis ra pambalaan motopot koson ra atan ondo' nasauk ra tatanga' takau.

JUANIS 3:5

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon ulun no intor ra timug am Ambiluo ri Aki Kapuuno'.

JUANIS 8:9

Kaining nilo ragu Nani, rorondo' ilo boo nangiruan ra intok i. Ondo' matutuo i siminigulu mugar, saboi sangulun ayuk boo i Jisus nabaya' ra ruandu' i, ondo' paribigor poyo ra giu' i.

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

RINALATAN 8:21

Kolondo' tayar muno ralalom kandoi mai, sabap ra guang muno kalo motopot ra pagilangan ri Aki Kapuuno'.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

IPISUS 3:12

Sabap ra pasimpungan am pangintapatan takau ri Kristus makakau' takau minggaar ri Aki Kapuuno' am intopoton noyo ra itakau rongogon No.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

IPISUS 6:5

Ulipon kau ngai', gagaya' am urumato' noyo tuan mino; gagayaa' min ilo toojo koson ayuk gumagaya' kau ri Kristus.

1 TIMOTIUS 4:2

Pangilaan raginio posoboyon ru ulun maabau-abau, ondo' kalo makaliman ra makatula sabap ra kolondo' boo bolos ru guang nilai.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

IBRANI 10:1

Ukum ri Musa no koson ra babara' ayuk ru baal giu' ra suruga', kapoam asilan ayuk ru barakat moonsoi ondo' matong ra tauli no. Gumagaya' ra ukum raginio kalo makapangindangan ra ulun ondo' matong ri Aki Kapuuno' masauk ra matanda', kabalu' pana moonong bilor ruli'-ruli' ilo magibit ra taak simbalui.

IBRANI 10:19

Pabukat kau ngai', ragili malaa' ilo rumampus ra tabir am mumpos ra Intok Matulai Kaga', kaa' raino, mansail ra pinatayan ri Jisus, nangukab Io ra ralan nakabagu am makakau' takau ngai' magindagu ri Aki Kapuuno'.

IBRANI 11:28

Sabap ra pangintapatan noyo, nangimpuun io ra pangiantakan ra Paska. Sinusub no ulun ru Israil nampatakis ra raraa' ra kulobon ru baloi nilai, maa' raginio malaikat ondo' inanian ra kuasa' mamatoi, kalo makapamatoi ra anak katuaan nilai ra ungkuyon.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

IBRANI 6:11

Maayo guang mai ra akau sigagama' mirot pangindangan saboi ra pupus, suku' moowot min lalansanin mini.

IBRANI 7:19

Sabap ra Ukum ri Musa kalo mampakatanda' ra osoi ayuk pana. Ginio ra inanian takau ra kalansanan moonsoi poyo am mansail raginio makainggaar takau ri Aki Kapuuno'.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

IBRANI 9:19

Pakapambala' i Musa ra ngaangai' ukum ri Aki Kapuuno' ra ulun ru Israil, alapo' no tutuu' Isop ondo' pinabangkos no ra bulu malia' ru domba, am pososopo' no boo ra raraa' ru sapi' am raraa' ru kambing ondo' pinaratok no ra timug, am patakiso' no galing ra Kitab ru Ukum ri Musa i am bagu no ra ngaangai' ulun ru Israil.

JAKUBUS 1:6

Kaa' osoi makiasi' no musiti' mangintopot toojo, sala' ka paginduoon guang. Sabap ra osoi ayuk maginduo guang, io ti koson ra kinulun ru raat ondo' maibit ayuk ru angin.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.