GOSIA 9:9 - Tanou Moonsoi Timugon

⁹ Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

GOSIA 9:9 ပူးပေါင်းရင်းမြစ်များ

GOSIA 10:9

Indagu Tuhan, “Ulun ru Israil kalo poyo igondo' longgo' pambaal ra tula Raki' intor ra ilo makatula giu' ra Gibia. Ginio ra malumpa' ilo ru pangayawan giu' ra Gibia.

TINGGANAI RU BANSA' 19:16

Liliwa' ilo nanturung giu' ra padang ru bandar, ratong sangulun matutuo ondo' bagu ayuk muli' intor ra kandoi nano ra umo. Ulun matutuo no intor ra kabuluran Ipraim kaa' raino minayan io giu' ra Gibia. (Kasuangan mamagun ra giu' no ulun ru bansa' ru Binjamin.)

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JISAYA 24:5

Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

TINGGANAI RU BANSA' 19:12

Kaa' taam tuan nano, “Kalo! Kalo muog takau ra bandar ru ulun sala' ka Israil. Rayuson takau pangkiralanan sanganu poyo am mombolong giu' ra Gibia kapoam Rama.”

TINGGANAI RU BANSA' 20:43

Saujor ru Israil nagawang am nangilou ra saujor ru Binjamin ra nararayus saboi ra rondo' intok tampilon ra sirangon ru Gibia. Liliwa' nangilou, namatoi ilo ra

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

GOSIA 4:9

Mansaan kau ra ukuman koson risilo. Mangukum Aku ramuyun nogondo' ra kalaatan ondo' binaal min.

GOSIA 5:8

Samputi' bujung giu' ra Gibia! Kosongowo' bolos ru tatandu' mampiau mangayou giu' ra Rama! Golok no ra golok ru pangayawan giu' ra Bitil! Jalai no mangayou akau bansa' ru Binjamin!

GOSIA 7:2

Kalo igondo' ra pangkaran nilo ra mangkara' Aku ra ngaangai' binaal malaat no. Linibungan ilo ru tula saboi makito Ku toojo.”

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

TINGGANAI RU BANSA' 19:22

Tatanga' ilo maansukan, pulusat ru kukula' ngaulun ondo' jajajou paliso intor ra bandar no nagawang ra baloi no, am tumalimpuun maningkag ra kulobon. Indagu ilo ra ulun matutuo no, “Pataako' ungkuyon ondo' giu' ra baloi muno. Masaga' akai rumulug riso!”

YEHEZKIEL 21:28

“Okou ulun mapandai matoi, indagu ra ragu manala'. Balai' noyo ulun ru Amon ondo' magasab ra Israil ra Aku, Tuhan Raja' minindagu, ‘Ilang binutus noyo koson mamuso; inasa' koson mampatoi am manguliat koson ra ganit.