GOSIA 9:8 - Tanou Moonsoi Timugon

⁸ Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

GOSIA 9:8 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 18:1

Kalo nabuoi raginio, paat ra bilor katalu ru tampio no, indagu Tuhan ri Ilia, “Ongoi no uma' ra Raja' Agab sabap ra mampatuun Aku ra rasam.”

1 RAJA'-RAJA' 18:19

Raino susubo' noyo ngaangai' ulun ru Israil koson tumuum raki' giu' ra Gunung Karmil. Ibito' apat ngaatus ngaulun nabi ru Baal am apat ngaatus ngaulun nabi ru Dewi Asyira ondo' tinampilanan ru Raja' Ruandu' Ijibil.”

1 RAJA'-RAJA' 22:11

I Jidikia anak ri Kinaana, sangulun intor ra nabi no, nambaal ra kukula' sangau ru basi' am indagu ra Raja' Agab, “Koon raginio ragu ru Tuhan, ‘Sangau-sangau basi' ti noyo makapangala kou ra ulun ru Siria saboi maala ilo kalingon.’ ”

1 RAJA'-RAJA' 22:22

‘Ati kulaan?’ Taam ambiluo no, ‘Mangkinibit aku ra ngaangai' nabi ri Agab no magabau.’ Indagu Tuhan, ‘Ongoyo' noyo ruungo' io. Makasugut kou.’ ”

1 RAJA'-RAJA' 22:28

Kon ri Mika, “Amon ru makasaguli' kou raja' ra maayag, maaru' Tuhan no kalo mindagu pinabala' galing raki'!” Kon poyo ri Mika, “Rongogo' noyo, akau ngaangai' ulun, ra atan ondo' rinagu kutu.”

1 RAJA'-RAJA' 22:6

Ginio ra pampiau Raja' Agab ra nabi-nabi ondo' suang no olo'-olo' apat ngaatus ngaulun. Pangkuot Raja' Agab risilo, “Suguton takau kia mamulunsar ra Ramot kapoam kalo?” Taam ilo, “Bulunsaro' noyo. Manaak Tuhan rirun ra kamanangan.”

2 RAJA'-RAJA' 13:21

Paat ra sangarawan no, bulintok ra ulun ru Israil tatanga' mompolobong ra ulun minatoi, nakito nilo santimungan ulun malaat ru Moab. Sabap ra nangalaa', pinapatir nilo baangkai no ra ralalom ru lobong ri Ilisa am pagigiru'. Pakatiu' ayuk baangkai no ra bungul-bungul ri Ilisa, kaayag saguli' baangkai no am bigor.

2 RAJA'-RAJA' 2:14

Lambaa' no timug ru sungoi no ra sukub ri Ilia, am indagu, “Ati nua' Tuhan, i Aki Kapuuno' ri Ilia?” Kopongo raginio lambaa' no poyo timug ru sungoi no, am kapiruo timug no, ugar boo i Ilisa laup ra sungoi no.

2 RAJA'-RAJA' 2:21

Ongoi i Ilisa ra taur ru timug, am patiaso' usi' no ralalom ru timug, am indagu, “Koon raginio ragu ru Tuhan, ‘Kapasawon ku timug ti maa' raginio kalo boo mangkinibit ra patayan kapoam kairuan.’ ”

2 RAJA'-RAJA' 4:41

Ginio ra pakitaak i Ilisa ra sanganu tapung, am pasuboo' ra ralalom ru pagangan no. Kopongo raginio indagu io, “Pasulungo' poyo akanon no.” Atika kalo makaanit akanon no.

2 RAJA'-RAJA' 4:43

Kaa' kon ru kambo nano, “Kalo lair mosonong ra maatus ngaulun!” Kon ri Ilisa, “Tatayaro' akanon ti, sabap ra sumugut ra ragu ru Tuhan mangakan ilo, am mopongo mangakan, lakat poyo makasuwo!”

2 RAJA'-RAJA' 5:14

Ginio ra tuun i Naaman ra Sungoi Jordan am linjob io intulu' koson ra ondo' nanusuban ru Nabi Ilisa. Kopongo raginio napali' maruol nano kalingon. Inan nano maligag saguli' koson ra inan ru sangulun lalaing boborok.

2 RAJA'-RAJA' 5:27

Sabap no ra nangapu kou ra pinataak no, okou am papag muno makaalap ra maruol ri Naaman ra sabuoi-buoi no!” Paat ri Gigaji nangiruan ra intok raginio, natiu' io ra maruol ru kungkung; kungkung nano nasauk ra mapulak kaga'.

2 RAJA'-RAJA' 7:19

Paat raginio indagu pagawai saujor ru raja' no, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

2 RAJA'-RAJA' 7:2

Kaa' indagu pagawai saujor ru raja' no ri Ilisa, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

MAZMUR 124:7

Itakau koson ayuk ra susuit nalabus ra landak ru sangulun manginginsusuit; landak no linunsai am itakau pana nakalabus!

MAMPATANOU 9:12

Ulun kalo makapandai ra bulintok ratangan ru karaat. Koson ra susuit ondo' nakasulung ra landak, am papait ondo' nakasulung ra ralo, nogondo' ayuk ra ulun ondo' linumpa' ru karaat ondo' kalo napandayan.

RIMBAI PANGAMPARAN 3:3

Magagalung ra bandar makakito raki'. Mangkuot aku risilo, “Natuum min kia ambai kuli?”

JISAYA 62:6

Giu' ra timbok muno, okou Jirusalim, paayanon Ku mantatamung; orou rondom kalo mokopongkoror ilo, kaa' musiti' ilo mapakara' ra Tuhan intor ra bantu' Nali, maa' raginio kalo malilianan No.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

JIRIMIA 14:13

Aku pana mindagu, “Iou Tuhan Raja', nakapandai Kou ra nabi-nabi nambala' ra mamagun ra kolondo' pangayawan kapoam bitilan, sabap ra nambantu' Kou ra giti ra pagun ti masalok makakaansayan.”

JIRIMIA 23:13

Nakakito Aku ra tula ru nabi-nabi ru Samaria. Minindagu ilo ralalom inggalan ru Baal, am nampalayau ra ulun Kuno Israil.

JIRIMIA 31:6

Sotopot no, masaboi paat no ra ulun-ulun magagalung ru bandar gumolok giu' ra kabuluran Ipraim, ‘Ibok pagaloi takau ra Sion, mongoi ra Tuhan, i Aki Kapuuno' takau.’ ”

JIRIMIA 6:14

Karaan nilo pilat-pilat ru ulun Kuno koson ra pilat boborok ayuk. Konilo, ‘Ngaangai' no moonsoi am mamaa'.’ Kaa' sotopot no kalo toojo moonsoi am kalo mamaa'.

JIRIMIA 6:17

Kopongo raginio nampalantik Tuhan ra magagalung koson mangkirongog ra bolos pulanu ru bujung. Kaa' konilo, “Marara' akai mangkirongog.”

SULABOI 2:14

Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

YEHEZKIEL 33:7

Raino, okou ulun mapandai matoi, lantikon Tokou masauk ra magagalung ru bansa' ru Israil. Musiti' mu posoboyon pampakaraan Kuno risilo.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

JUANIS 15:24

Amon ru kalo binaal Kuno ra saang nilo ondo' kalo igondo' baalo' ru ulun, kolondo' noyo tula nilo. Kaa' kabalu' pana nakakito ilo ra binaal Kuno, masisang ilo niayuk Raki' am Ama' Kuno.

ROMA 3:7

Amon ru intor ra baalon kuno ondo' kalo motopot, guang mabanis ri Aki Kapuuno' makito saboi omporon Io ru ulun, kua guat sonsolo' aku ra sangulun makatula?

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.