GOSIA 9:7 - Tanou Moonsoi Timugon

⁷ Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

GOSIA 9:7 ပူးပေါင်းရင်းမြစ်များ

2 RAJA'-RAJA' 9:11

Saguli' i Jigu ra panglima-panglima ra bokon no. Pangkuot ilo riso, “Atan kia tanou ondo' inibit nani? Kua ratong ulun mantuyang ni rirun?” Pangkuot i Jigu, “Kalo kia nakapandai kau?”

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 34:8

Ginio noyo bulintok no Tuhan mamayag ra Sion am mansuli' ra pantula'-pantula' ru Sion.

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 11:23

Inaru' Ku noyo paat no koson mamparatong ra karaat ra mamagun ru Anatot; paat no masaboi, kolondo' sangulun pana maayag.”

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 23:13

Nakakito Aku ra tula ru nabi-nabi ru Samaria. Minindagu ilo ralalom inggalan ru Baal, am nampalayau ra ulun Kuno Israil.

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 29:26

“Nampalantik Tuhan rirun masauk ra imam koson malit ri Joyada, am raino okou no pagawai masawat kaga' giu' ra Baloi ru Tuhan. Okou no pinalansan koson magalung ra moonong ulun mantuyang ondo' mangiou ra io noyo nabi, bangkilon ra rantai basi' ra liog nano.

JIRIMIA 46:21

Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

JIRIMIA 6:14

Karaan nilo pilat-pilat ru ulun Kuno koson ra pilat boborok ayuk. Konilo, ‘Ngaangai' no moonsoi am mamaa'.’ Kaa' sotopot no kalo toojo moonsoi am kalo mamaa'.

JIRIMIA 8:11

Karaan nilo ra pilat-pilat ru ulun Kuno koson ra pilat boborok ayuk. Mindagu ilo, ‘Ngaangai' no moonsoi am mamaa'.’ Kaa' ngaangai' no totopot kalo noyo moonsoi am kalo mamaa'.

SULABOI 2:14

Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

YEHEZKIEL 13:10

“Nabi-nabi no nampalayau ra ulun Kuno ra minindagu ra ngaangai' no moonsoi ayuk, kaa' sotopot no ngaangai' no kalo moonsoi! Ulun Kuno nambaal ra timbok ondo' kalo maikang, nabi-nabi no pana minatong am pinulak ginio ra kapur.

YEHEZKIEL 13:3

Koon ragitio noyo ragu ru Tuhan Raja', “Aibui boo ra nabi-nabi sasambungon no! Ginuang nilono noowot intor ra kakaraan nilo galama' am pinaintalang risilo kalo motopot.

YEHEZKIEL 25:17

Ukumin Ku ilo ra maagat am paabuson guang mansuli' risilo. Paat ra ilo makaliman ra sangit Kuno, makapandai ilo ra Aku noyo Tuhan.”

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 5:9

Mapuso Israil paat ra orou ukuman ra maagu no. Rongog kano, akau ulun ru Israil, baal ragitio maaru' masauk!

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

AMOS 8:2

Nangkuot Tuhan, “Amos, atan kia nakito muno?” Taam aku, “Kikinawa' giu' ra ralalom ru bakul.” Indagu Tuhan raki', “Pupus ru ulun Kuno Israil nasaboi noyo. Kalo boo mangulau Aku ra guang Kuno; ukumin Ku ilo.

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

MARKUS 3:21

Intor raginio mokoondo' niayuk ulun mindagu ra kalo boo matanda' Io. Paat ra pabukat-pabukat ri Jisus nokorongog raginio, matong ilo magibit Riso.

LUKAS 21:22

Sabap ra ginio noyo ‘Orou Pangukuman’, koson ra masauk ngaangai' ondo' tinulisan ra Buuk Kitab.

2 KORINTUS 5:13

Amon akai ti ilain ra mantuyang, ginio boo kinibit mai nambaal ra kasagaan ri Aki Kapuuno'. Am amon ru akai ti ilain ra matanda', ginio pana koson ra kaatangan min niayuk.

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.