GOSIA 9:6 - Tanou Moonsoi Timugon

⁶ Paat ra karaat makasaboi am mamagun nantutuliar, ulun ru Misir manimung ramuyun koson potoyon am koson lobongon giu' ra Mimpis! Rapu' mino intor ra pirok am tana' ru baloi min ragili malungkutan ru sakot am bulungkut makaruui.

GOSIA 9:6 ပူးပေါင်းရင်းမြစ်များ

2 RAJA'-RAJA' 13:7

Kolondo' boo ra Raja' Jigoagas no pulalai mangayou ondo' ak am limo ngoopor ngaulun saujor mangkuda, mopor kurita' kuda, am mopor ngaribu ngaulun saujor mantana'. Raja' ru Siria namuso ra pulalai mangayou ru Raja' Jigoagas am kikinjangi' no ilo koson ra kaau.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

AMSAL 24:31

Intok raginio kataunan am kaalaban. Insor ru timbok nano naaba' noyo.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 19:13

Tingganai ru Joan am Mimpis sasambungon toojo! Musiti' no tingganayon nilo bansa' raginio, kaa' pinalayau nilo bansa' raginio.

JISAYA 27:12

Bulintok raginio, intor ra Sungoi Iprat saboi ra balitan ru pagun ru Misir, mampalulur Tuhan ra ulun Nano, koson ra ulun mapasuai ra gandum am apol.

JISAYA 32:13

Ragino bulungkut am kataunan makaruui timinuu' ra tana' ru bansa' kuno. Tangii' noyo baloi-baloi intok ru ulun mangiantak, am bandar nototop ra kaagawan.

JISAYA 34:13

Bulungkut am sakot makaruui tumuu' ra ngaangai' istana am bandar ondo' makatimbok. Taani am susuit unta minayan ra giu'.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JISAYA 7:23

Paat raginio umo ru anggur ra mongoonsoi, ondo' tinanaman saribu ngampuun am mokologo saribu ruit pirok, ngaangai' no tuwin ru sakot am kataunan sulinit.

JIRIMIA 2:16

Ulun ru Mimpis am Tapanis namabak ra kuapak nano.

JIRIMIA 42:22

Ginio ra karaa' noyo: matoi kau ralalom pangayawan, kapoam sabap ra bitilan, kapoam maruol tumapik ra pagun ondo' kasagaan min mayan.”

JIRIMIA 44:1

Indagu Tuhan raki' intor ra ngaangai' ulun ru Israil ondo' minayan giu' ra Misir, giu' ra bandar Migdol, Tapanis, Mimpis am tampilon rabugus ru pagun no.

JIRIMIA 44:12

Mamagun ondo' lakat poyo minayan ra Jiuda, am ondo' gumogot mongoi giu' ra Misir am mayan ra giu', maaru' pusoon Ku. Ilo ngaangai', maayo am poyo boborok, matoi giu' ra Misir ralalom ru pangayawan kapoam sabap ra bitilan. Baal nilo makalalaa'. Ulun magasab risilo am mamakai ra inggalan nilo koson ra pagulasan.

JIRIMIA 44:13

Ukumin Ku ilo ondo' minayan giu' ra Misir, koson ra Aku nangukum ra Jirusalim ra pangayawan, bitilan am maruol tumapik.

JIRIMIA 46:14

“Potonowo' noyo tanou ragitio giu' bandar-bandar ru Misir, iono Migdol, Mimpis am Tapanis, ‘Tampos kano mangampin ra inan min; ngaangai' longgom min mapuso ralalom ru pangayawan!

JIRIMIA 46:19

Tampos kano ra rokopon, mamagun kau ru Misir! Mimpis masauk ra tana' kaagisan, kalunsayan ondo' kalo inayanan ru ulun.

YEHEZKIEL 30:13

Indagu Tuhan Raja', “Pusoon Ku sinungkalalaing no am dewa-dewa giu' ra Mimpis. Kolondo' boo raja' ondo' mamarinta giu' ra Misir am baalon Ku ngaangai' ulun malaa'.

YEHEZKIEL 30:16

Solobon Ku Misir, am Pilusium pana maimbolo'. Timbok ru bandar Tibi lunsayon am bandar no malumpa' ru liur.

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

GOSIA 11:11

Intor ra Misir mansiab ilo mongoi Raki' koson ra kinataki' ru susuit, am intor ra Asyur koson ra susuit asang. Ibiton Ku ilo muli' ra baloi nilo saguli'. Aku, Tuhan nakaindagu noyo.”

GOSIA 2:6

Ilowon no ambai nano, kaa' kalo sumunu' risilo. Maguyum io risilo, kaa' kalo makatuum risilo. Mindagu io boo, ‘Muli' aku ra ralaki kasaa' kuli; baal kuno ragili moonsoi poyo intor raino.’

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 7:13

“Nangiruan ilo Raki' am giminuor Raki'. Kapaganan lumumpa' risilo. Mapuso ilo. Masaga' Aku mamayag risilo, kaa' sambayang nilo Raki' kalo motopot.

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

JIPANYA 1:11

Panulaboi kano am pantangi' kano paat min morongog ngaangai' no, akau mamagun ru bandar giu' ra tampilon ragana', sabap ra ngaangai' ulun mantalan minatoi noyo.

1 SAMUIL 13:6

Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.