GOSIA 9:4 - Tanou Moonsoi Timugon

⁴ Giu' ra pagun-pagun no kalo makapampataak kau ra wain kapoam taak simbalui ra bibiag koson mapabansuk ra guang ru Tuhan. Akanon mino mampajamol ra ngaangai' ulun ondo' mangakan no, koson ra akanon ondo' akanon paat ra upacara mompolobong. Akanon mino koson mongorot ra bitil ayuk; sanganu pana kalo ibiton koson ra taak giu' ra Baloi ru Tuhan.

GOSIA 9:4 ပူးပေါင်းရင်းမြစ်များ

KAINGKUALAN 29:40

Pabayaan ra anak domba ondo' kasaa', pataakon sakilogram tapung gandum ra moonsoi kaga', ondo' linatakan ra salito umau jaitun kopoyo. Pasasaron salito wain koson ra taak.

KAINGKUALAN 40:23

am pabantaa' ruti' ondo' pataakon ra Tuhan ra rasawat ru mija' no, koson ra nanusuban ru Tuhan.

JISAYA 57:6

Alapon min batu-batu malamog intor ra sungoi, am sambaan io koson ra sinungkalalaing. Wain am gandum saukon min ra taak ra sinungkalalaing no. Indoson min kia ra kasagain Ku ngaangai' no?

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

JIRIMIA 16:7

Paat ra mokoondo' ulun matoi, kolondo' osoi pana mangakan kapoam manginum mabaya' ra sasambaloi ru ulun no koson mapabansuk risilo. Paat ra mokoondo' ulun napatayan ra ina' kapoam ama', kolondo' osoi pana maya' mangiluk guang mabaya' risilo.

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

YEHEZKIEL 24:17

Pai' polosoo' ulun mokorongog ra sikok muno. Pai' pantana' ra kalo sigalon ulu kapoam mangkasut koson tatandu' mangulir. Pai' silii' bulos kapoam mangakan ra akanon mangulir.”

YEHEZKIEL 24:22

Kopongo raginio baalon min atan ondo' baalon ku raino. Siliin min bulos kapoam mangakan ra akanon mangulir.

DANIL 1:8

Inaru' toojo ri Danil koson kalo jamalin inan nano ra akanon am wain ondo' inaru' ru raja'. Ginio ra nakiindangan io ri Aspinas,

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

JOIL 1:9

Kolondo' boo gandum am wain koson pataakon giu' ra Baloi ru Tuhan; imam-imam nantangi' sabap ra kolondo' pataakon ra tayar ru Tuhan.

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

IMAMAT 17:11

Painawo ru moonong ondo' maayag soroi ra ralalom ru raraa' nano. Ginio sabap ra nanaak Tuhan ra susuban maa' raginio ngaangai' raraa' pasasaron ra rasawat ru altar tayar mamuso ra tula ru ulun. Raraa', iono painawo, mamuso ra tula.

IMAMAT 21:17

mapasaboi ra baal ragitio ri Arun, “Osoi ayuk intor ra papag muno ondo' kalo matanda' batang ru inan, kalo makapapataak ulun no Raki' ra taak akanon. Aturan ragitio masauk ra sabuoi-buoi no.

IMAMAT 21:21

Moonong papag ru imam Arun ondo' mokoondo' kalo matanda' ra batang ru inan nano, kalo makapapataak Raki' ra taak akanon.

IMAMAT 21:6

Musiti' sangulun imam matulai am kalo iowon magasab ra inggalan Kuno. Mapataak io Raki' ra taak akanon, sabap raginio musiti' io no matulai.

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

AMOS 5:22

Paat ra akau mampataak ra taak simbalui koson mapabansuk ra guang ru Tuhan am taak simbalui koson ragu paringkuanangan Raki', kalo apuon Ku. Kalo apuon Ku bibiag tinambiag ondo' molomok, ondo' pataakon min koson ra taak simbalui koson makibarakat Raki'.

MALIAKI 2:13

Suai raginio mokoondo' poyo binaal min. Tinimugan min altar ru Tuhan ra lomou; nantangi' kou am nanulaboi sabap ra Tuhan kalo boo mangapu ra taak min.

UNTABAN 19:11

Osoi ondo' nangambong ra baangkai masauk ra majamol ra buoi tulu' ngoorou.

UNTABAN 28:2

mapasaboi ra susuban ti ra ulun ru Israil. Paat ra ondo' inaru', musiti' ilo mapataak ra taak akanon ondo' owou no mapabansuk ra guang ru Tuhan.

UNTABAN 4:7

Musiti' nilo pabingkalon rondo' konoon motomou ra rasawat ru mija', intok ru ruti' ondo' pataakon ra Tuhan. Musiti' nilo pabantaan pinggan, mangkuk ru kaminyan, mangkuk ru taak simbalui, am rarapu' tayar ru taak simbalui wain rasawat ru mija'. Musiti' taak ra ruti' magail soroi ra rasawat ru mija'.

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

SAGULION 26:14

Kalo nangakan aku sanganu pana intor ra sampiopor no paat aku mangulir. Kalo nagibit aku raginio intor ra baloi paat aku majamol. Kalo tinaakan ku ginio koson ra taak tayar ru ulun matoi. Sinugut ku noyo susuban Muno, iou Tuhan. Binaal ku noyo ngaangai' nanusuban Muno intor ra taak sampiopor.