GOSIA 9:3 - Tanou Moonsoi Timugon

³ Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

GOSIA 9:3 ပူးပေါင်းရင်းမြစ်များ

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 2:7

Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

SULABOI 5:6

Makikitaak akai giu' ra Misir am Asyur, makitaak akai ra akanon koson mapatanduus ra kaayagan.

YEHEZKIEL 4:13

Indagu Tuhan, “Koon raginio noyo ralan ru ulun ru Israil mangakan ra akanon ondo' kalo iowon ru Taurat, kaa' pantutuliaron Ku ilo ra pagun-pagun ra bokon.”

DANIL 1:8

Inaru' toojo ri Danil koson kalo jamalin inan nano ra akanon am wain ondo' inaru' ru raja'. Ginio ra nakiindangan io ri Aspinas,

GOSIA 11:11

Intor ra Misir mansiab ilo mongoi Raki' koson ra kinataki' ru susuit, am intor ra Asyur koson ra susuit asang. Ibiton Ku ilo muli' ra baloi nilo saguli'. Aku, Tuhan nakaindagu noyo.”

GOSIA 11:5

“Marara' ilo sumaguli' Raki'. Ginio ra musiti' ilo sumaguli' ra Misir, am bansa' ru Asyur mamarinta risilo.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 9:6

Paat ra karaat makasaboi am mamagun nantutuliar, ulun ru Misir manimung ramuyun koson potoyon am koson lobongon giu' ra Mimpis! Rapu' mino intor ra pirok am tana' ru baloi min ragili malungkutan ru sakot am bulungkut makaruui.

IMAMAT 18:28

Kon raginio kalo pagiruon kau intor ra pagun no koson ra bansa'-bansa' ondo' minayan ra giu' i ra pinagiru' ragili.

IMAMAT 20:22

Indagu Tuhan, “Gagaya' no ra ngaangai' ukum am susuban Kuno, maa' raginio kalo pagiruon kau intor ra pagun ru Kanaan, intok pagibitan Kuno ramuyun ra raino ti.

IMAMAT 25:23

Tana' mino kalo matalan ra mantilayun sabap ra sala' ka akau tatangan ra tana' no. I Aki Kapuuno' tatangan ra tana' no, am akau koson ra ulun bansa' ru bokon ondo' nakaalap ra pangiawan magitanom ra tana' no.

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

MIKA 2:10

Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

RINALATAN 10:14

Taam i Pitrus, “Kalo, Tuhan! Kalo igondo' aku pangakan ra ondo' majamol sumugut ra kaulayan ru ugama.”

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

SAGULION 28:68

Atarin kau saguli' ru Tuhan ra Misir paayaan ra kapal, kabalu' pana minindagu Io ra kalo boo mongoi ra giu'. Giu' no kuminam kau mantalan ra inan koson ra ulipon ra pantula', kaa' kolondo' sangulun pana ondo' masaga' mambali ramuyun.”

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

JOSUA 23:15

Kaa' koson ra Io nanugut ra moonong bantu' Nano ramuyun, koson raginio niayuk Io mambaal ra moonong lolob Nano.