GOSIA 9:17 - Tanou Moonsoi Timugon

¹⁷ I Aki Kapuuno' ondo' sambaan Kuno mangimpai ra ulun Nano, sabap kalo riminongog ilo Riso. Masauk ilo ra ulun tumanggau ra gino ngai' ru bansa'- bansa'.

GOSIA 9:17 ပူးပေါင်းရင်းမြစ်များ

2 TUNUNG RU BANSA' ISRAIL 18:13

Kaa' taam i Mika, “Ralalom inggalan ru Tuhan ondo' naayag, mambantu' aku ra mindagu aku ayuk ra atan ondo' rinagu ri Aki Kapuuno' raki'!”

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

MAZMUR 31:14

Masuang maining ku ra ragu intor ra pantula' kuno; ra libung kuno mokoondo' tanou ra malaat kaga'. Maguguum ilo koson makimantula' raki', am mangatang ilo mamatoi raki'.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JISAYA 48:18

Amon ru ilain min ukuman Kuno, makaapu kau ra barakat ondo' kalo maukat-ukat koson ra sungoi ra kalo igondo' kalasak. Kolondo' pupus ru ampos mino koson ra kinulun ru raat ondo' kalo igondo' longgo'.

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

JIRIMIA 7:15

Akau pagiruon Ku intor ra saang Kuno koson ra Aku nampagiru' ra pabukat min, ulun ru Israil. Aku, Tuhan nakaindagu noyo.”

GOSIA 4:10

Mangakan kau ra tayar intor ra taak-taak simbalui ondo' pinataak, kaa' marayus kau maitilan. Sambaan min dewa-dewa kalabungan, kaa' magulayun kau kalo makaalap ra anak. Ngaangai' no nasauk sabap ra nangiruan kano Raki' koson sumamba ra tuhan-tuhan ra bokon.”

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 7:13

“Nangiruan ilo Raki' am giminuor Raki'. Kapaganan lumumpa' risilo. Mapuso ilo. Masaga' Aku mamayag risilo, kaa' sambayang nilo Raki' kalo motopot.

AMOS 8:2

Nangkuot Tuhan, “Amos, atan kia nakito muno?” Taam aku, “Kikinawa' giu' ra ralalom ru bakul.” Indagu Tuhan raki', “Pupus ru ulun Kuno Israil nasaboi noyo. Kalo boo mangulau Aku ra guang Kuno; ukumin Ku ilo.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JUANIS 7:35

Tingganai ru ulun ru Jaudi nagindagu ra rondo' am bokon, “Ati nua' angayan Nano saboi kalo makatuum takau Riso? Mongoi Io kia ra ulun ru Jaudi ondo' liminatok ayan ra bandar ru ulun ru Junani? Mongoi Io kia pangila' ra ulun ru Junani?

RINALATAN 3:23

Osoi ayuk kalo gumagaya' ra raguon ru nabi no, ulun no suayon intor ra ulun ri Aki Kapuuno' am pusoon.’

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.

PILIPI 4:19

Kalangkayaan ri Aki Kapuuno' ondo' sambaan kuno kalo mauntob, ginio ra ralalom ri Jisus Kristus noyo Io mangukop ra atan ayuk kolondo' ramuyun sumugut ra katulayan Nano.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.