GOSIA 9:16 - Tanou Moonsoi Timugon

¹⁶ Ulun ru Israil koson ra puun tataun ondo' kalo nangkawa' am bakat nano mapua' noyo. Kalo maganak ilo, potoyon Ku anak-anak ondo' tagamin nilo.”

GOSIA 9:16 ပူးပေါင်းရင်းမြစ်များ

KASAUKAN 41:23

Kopongo raginio mokoondo' poyo rondo' tanggayan ondo' mokoondo' tulu' ngaumi gandum ra nangumpis am liminonot sabap ra siniob ru angin ru tana' kaagisan.

AYUP 18:16

Bakat nilo mapua' am kumulionjot, raan nilo lumonot am kumukus.

JISAYA 40:24

Ilo no koson ra tatanom mamulok, ondo' bakat nano kakatuu' ayuk. Paat ra Tuhan mapasampui ra angin, mapua' ilo am masiob koson ra rami.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

GOSIA 5:11

Raino Israil inimbolo'. Natatakan io ra tana' longgom nano sabap ra mokotog guang nano am nakiindangan intor ra ulun ondo' mailo mangindangan riso.

GOSIA 8:7

Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.