GOSIA 9:10 - Tanou Moonsoi Timugon

¹⁰ Indagu Tuhan, “Paat ra Aku kasaa' nakatuum ra Israil, naansukan Aku koson ra ulun nakatuum ra kawa' ru anggur giu' ra tana' kaagisan. Paat ra Aku kasaa' nakakito ra kinamatuaan min, naansayan guang Kuno koson ra ulun nakakito ra kawa' ru ara ondo' kasaa' naansak bulintok pangkawaan. Kaa' paat ilo nakasaboi giu' ra Gunung Pior, timinalimpuun ilo siminamba ra Baal, saboi ilo majamol koson ra sinungkalalaing ondo' tagamin nilo.

GOSIA 9:10 ပူးပေါင်းရင်းမြစ်များ

1 RAJA'-RAJA' 16:31

Kalo sama' riso koson makatula koson ra Raja' Jirobiam. Raja' Agab no nambaal ra malaat poyo kaga'; inandu' no i Ijibil, anak ruandu' ru Raja' Itbaal intor ra Sidon, am Raja' Agab niayuk siminamba ra Baal.

2 RAJA'-RAJA' 17:11

Nonolob ilo ra kaminyan giu' ra rasawat ru ngaangai' altar tayar ru dewa, minaya' ra kaindalaman ru bansa' ondo' pinagiru' ru Tuhan intor ra pagun no. Napasingkual ilo ra sangit ru Tuhan sabap ra ngaangai' binaal nilo ondo' malaat no,

MAZMUR 115:8

Polosoon noyo ngaangai' ulun ondo' namangun ra sinungkalalaing, am ondo' mangintopot ra sinungkalalaing, masauk ilo niayuk koson ra sinungkalalaing ondo' binangun nilono.

MAZMUR 81:12

Kaa' ulun Kuno kalo mangkirongog ra ragu Kuno; Israil kalo gumagaya' Raki'.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

JISAYA 28:4

Kuasa' ru tingganai-tingganai ondo' malilimbau no tumalimpuun malulu' am matatak. Pupus nilono koson ra kawa' ru nunuk ondo' maansak ra kalo poyo masuku' bulintok no; makito ayuk ru ulun, kawa' no upuon am akanon.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 24:2

Bakul ondo' kasaa' sinuangan ra kawa' ru ara ondo' moonsoi, koson ra kawa' ru ara ondo' naansak galing, liliwa' bakul ondo' karuo sinuangan ra kawa' ru ara ondo' napasa', saboi kalo maakan.

JIRIMIA 3:24

Kaa' sumamba ra Baal, sinungkalalaing ondo' makauyuyu' no, nangkinibit ramon natatakan ra anak, ungkuyon am niayuk ruandu', am niayuk tinambiag ra sapi' am domba, iono ngaangai' no ondo' piniratan ru kinamatuaan maili intor ra galing i.

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 31:2

Ragili giu' ra tana' kaagisan nampakito Aku ra makaasi' risilo ondo' nakalabus intor ra kapatayan. Paat ra ulun ru Israil maguyum ra katangusan,

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

GOSIA 11:1

Indagu Tuhan, “Motogom Aku ri Israil intor ra io lakat poyo boborok; Piawon Ku anak Kuno mingkual intor ra Misir.

GOSIA 13:5

Nagalung Aku ramuyun giu' ra tana' kaagisan ondo' mapua'.

GOSIA 2:15

Sabiton no boo Aku ra ralaki nano, am sala' ka boo Baal nano.

GOSIA 4:14

Kaa' kalo ukumin Ku ilo koson ra binaal raginio, sabap ra akau galama' pana nansawa' ra ruandu'-ruandu' mantalan ra inan ondo' mangandoi giu' ra baloi ru sinungkalalaing sambaan. Mababaya' risilo, nampataak kau ra taak simbalui ra dewa. Motopot ragu ragitio, ‘Bansa' ondo' kolondo' karatian intor ri Aki Kapuuno' mapuso.’

GOSIA 4:18

Mopongo masuang inum ra wain, mantalan ilo ra inan ra guang maansayan. Masaga' ilo poyo asabin ka urumaton.

AMOS 4:5

Pampataak no ra ruti' koson ra taak paringkuanangan ri Aki Kapuuno', am ragu minsawat intor ra pataakon ra pinaruang ondo' ibiton min! Binaal koson raginio noyo ondo' masaga' min baalon.

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

UNTABAN 18:13

Ngaangai' no okou tatangan. Moonong sasambaloi muno ondo' kalo najamalan makaakan raginio.

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

SAGULION 32:10

“Natuum No ilo timinanggau giu' ra tana' kaagisan, tana' kaagisan ondo' masiluk am makauma' ra angin. Nanindung am nagalung Io risilo koson ra Io nagalung ra unor ru mato Nano.

SAGULION 32:17

Napataak ilo ra taak simbalui ra ambiluo-ambiluo malaat, am sala' ka ri Aki Kapuuno', tuhan-tuhan bagu ondo' kalo nauligan ru kinamatuaan nilo, dewa-dewa ondo' kalo igondo' gagayaa' ru Israil.

SAGULION 4:3

Nakakito kau noyo galama' ra atan ondo' binaal ru Tuhan giu' ra Gunung Pior. Giu' no namuso io ra moonong ulun ondo' sumamba ra Baal,

TINGGANAI RU BANSA' 6:32

Intor raginio nanginggalan ulun ri Gidion ri “Jirubaal”, sabap ra mindagu i Joas, “Polosoon noyo i Baal magisaung galama' sabap ra altar nano ondo' linunsai no.”