GOSIA 8:7 - Tanou Moonsoi Timugon

⁷ Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

GOSIA 8:7 ပူးပေါင်းရင်းမြစ်များ

KASAUKAN 41:23

Kopongo raginio mokoondo' poyo rondo' tanggayan ondo' mokoondo' tulu' ngaumi gandum ra nangumpis am liminonot sabap ra siniob ru angin ru tana' kaagisan.

2 RAJA'-RAJA' 15:19

Paat ra Raja' Pul, raja' ru Asyur namulunsar ra Israil, nangani' Raja' Minagim ra Raja' Pul ra 34,000 ngakilogram pirok maa' raginio mangindangan io mapaikang ra kuasa' ru Raja' Minagim giu' ra Israil.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

AYUP 4:8

Igondo' aku pakakito ra ulun mamparadu' ra umo ru kalaatan, am napatias ra sampug ru kalaatan, am nangkumos boo ra karaat am kapaganan.

AMSAL 22:8

Ulun mapatias ra kalo matimpok mangkumos ra karaat, am kuasa' nano koson mangimbolo' ra ulun bokon pupusin.

MAMPATANOU 5:16

Kaayagan takau ralalom ru kalandaman am kangilukan ru guang, pagalabaan, kasangitan, am niayuk karualan.

JISAYA 17:11

Kabalu' pana tatanom raginio manalantar am mambusak bulintok ra orou nantanaman muno, kaa' kolondo' niayuk ampos no; ondo' soroi ayuk kapaganan am lugu ra kalo mapali'.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

SULABOI 5:2

Rapu' tungkuson mai ginaau ru ulun ra bokon; ulun bansa' ra bokon tatanga' mayan ra baloi mai.

GOSIA 2:9

Iruon Ku bayang nano giu' ra saang ru ambai-ambai nano am kolondo' sangulun pana makapamayag riso intor ra kuasa' Kuno.

GOSIA 7:9

Kalo nakaliman ilo ra binaal ragitio nampalawo risilo. Pupus ru bayag nilo mamaar noyo, kaa' kalo nakapandai ilo.

GOSIA 9:16

Ulun ru Israil koson ra puun tataun ondo' kalo nangkawa' am bakat nano mapua' noyo. Kalo maganak ilo, potoyon Ku anak-anak ondo' tagamin nilo.”

NAGUM 1:3

Tuhan kalo mataki' sumangit, kaa' Io makakuasa', am kalo igondo' Io nampalabus ra ulun ondo' nambaal ra kasalaan intor ra ukuman. Giu' ra intok ugaran ru Tuhan, sumalula' puting beliung am taupan; gaun iono kaau intor ra kalayam Nano.

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

GALATIA 6:7

Pai' kano miruruung. Kolondo' sangulun pana makapamparuung ri Aki Kapuuno'. Ondo' tonomon ru sasangulun, ginio niayuk kumoson nano.

GALATIA 6:8

Amon ru sumugut io ra kasagaan nano galama', ioginio koson mantanom ra sampug malaat, kapatayan ondo' kumoson nano. Kaa' amon sumugut io ra kasagaan ru Ambiluo ri Aki Kapuuno', ioginio koson mantanom ra sampug moonsoi, kaayagan mantilayun no ondo' kumoson nano.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.