GOSIA 8:4 - Tanou Moonsoi Timugon

⁴ “Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

GOSIA 8:4 ပူးပေါင်းရင်းမြစ်များ

1 RAJA'-RAJA' 12:28

Kopongo ra nabuoi nangkara', Raja' Jirobiam nambaal ruo sinungkalalaing sapi' gawayan intor ra mas am indagu ra mamagun nano, “Sama' noyo buoi min minongoi sambayang giu' ra Jirusalim. Raino, akau Israil, gitio noyo tuhan-tuhan min ondo' nagibit ramuyun miningkual intor ra Misir!”

1 RAJA'-RAJA' 13:34

Tula ru raja' ti nagibit ra karatuan am kapusaan ru pamarintaan ru papag nano.

1 RAJA'-RAJA' 16:31

Kalo sama' riso koson makatula koson ra Raja' Jirobiam. Raja' Agab no nambaal ra malaat poyo kaga'; inandu' no i Ijibil, anak ruandu' ru Raja' Itbaal intor ra Sidon, am Raja' Agab niayuk siminamba ra Baal.

JIRIMIA 16:20

Makapambaal kia ulun ra tuhan nano galama'? Totopot kalo! Atan ondo' binaal nano maaru' sala' ka i Aki Kapuuno' ondo' motopot.”

YEHEZKIEL 18:31

Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

DANIL 3:1

Paat ra sanganuan nambaal Raja' Nibukadnijar ra rondo' sinungkalalaing intor ra mas: sawat no 27 ngamito am pila' no maar 3 ngamito. Pinabigor no sinungkalalaing no giu' ra intok marata' Dura ra wilayah Babil.

GOSIA 13:1

Paat ra galing i paat ra bansa' ru Ipraim minindagu, bansa'-bansa' ra bokon giu' ra Israil malaa'. Mangurumat ilo kaga' ra Ipraim, kaa' raino bansa' ru Ipraim makatula. Sinamba nilo Baal, ginio ra matoi ilo.

GOSIA 13:11

Ralalom ru sangit Kuno inanian Takamin ra raja'-raja', kaa' ra guang malasu' Aku nangalap risilo mugar.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

GOSIA 8:3

kaa' nangimpai ilo ra baal ondo' moonsoi. Ginio ra pantula' mangilou risilo.

MATIUS 25:12

Kaa' taam ungkuyon uatin ti, ‘Kalo nakaulig aku ramuyun!’ ”

LUKAS 13:25

Mingkakat boo tatangan ra baloi no am angabin no kulobon. Migor kau ra liwar am manitik ra kulobon liliwa' mindagu, ‘Tuan, ukabi' ramon kulobon ti!’ Taam ru tuan no, ‘Kalo makapandai aku ati intor min!’

LUKAS 13:27

Kaa' indagu saguli' tuan no, ‘Kalo makapandai aku ati intor min. Pagiru' kau intor raki', akau ngaangai' ondo' mambaal ra kalaatan!’

JUANIS 10:14

Aku noyo magagalung ra moonsoi. Koson ri Ama' makaulig Raki' am Aku makaulig ri Ama', mogondo' niayuk ra Aku pana makaulig ra domba-domba Kuno am ilo niayuk makaulig Raki'.

GALATIA 4:9

Kaa' raino nakaulig kano ri Aki Kapuuno', kapoam matanda' poyo raguon ra i Aki Kapuuno' nakaulig ramuyun. Kua saguli' kau poyo ra tuhan-tuhan ondo' kalo maikang am niayuk kolondo' onong? Kua guat kasaga' kau makiulipon poyo risilo?