GOSIA 8:14 - Tanou Moonsoi Timugon

¹⁴ “Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

GOSIA 8:14 ပူးပေါင်းရင်းမြစ်များ

1 RAJA'-RAJA' 12:31

Nambaal niayuk i Jirobiam ra intok-intok sambayangan giu' ra rasawat ru bulur-bulur, am nampili' ra imam-imam ondo' sala' ka intor ra bansa' ru Liwi.

1 RAJA'-RAJA' 16:31

Kalo sama' riso koson makatula koson ra Raja' Jirobiam. Raja' Agab no nambaal ra malaat poyo kaga'; inandu' no i Ijibil, anak ruandu' ru Raja' Itbaal intor ra Sidon, am Raja' Agab niayuk siminamba ra Baal.

2 RAJA'-RAJA' 18:13

Paat ra bilor koopor am apat ra pamarintaan ru Raja' Gijkia, Raja' Sanirib intor ra Asyur, namulunsar ra bandar-bandar ondo' makakubu giu' ra Jiuda am niayuk nangala ra ngaangai' no.

2 TUNUNG RU BANSA' ISRAIL 26:10

Binaal no niayuk manara-manara mokoondo' ra kubu giu' ra tana' malimparang am nangkali ra tulubong-tulubong, sabap ra mokoondo' io ra masuang bibiag tinambiag giu' lonson toojo ru bulur tampilon ra kalasaan am giu' ra tana' marata'. Raja' Ujia masaga' ra pagitanaman; ginio ra nagangat ra mamagun maa' raginio manangumo ra anggur giu' ra tampilon kabuluran am magitanom ra tana' ondo' malabung.

2 TUNUNG RU BANSA' ISRAIL 27:4

Giu' ra kagunungan ru Jiuda, nambaal Raja' Jotam ra bandar-bandar, am giu' ra kataunan-kataunan nambaal io ra kubu am manara.

MAZMUR 106:21

Nalilianan nilo i Aki Kapuuno' ondo' namayag risilo, ondo' nambaal ra baal mangaayo giu' ra Misir.

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JISAYA 29:23

Bulintok ra akau magilong ra anak-anak ondo' pataakon Kuno ramuyun ra maagu no, iowon min ra Aku ti i Aki Kapuuno' ru Israil, i Aki Kapuuno' ondo' matulai. Mangurumat kau Raki' am niayuk malaa' kau Raki'.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JISAYA 43:21

Ilo noyo ulun Kuno ondo' sinauk Ku ra longgom Kuno galama'.”

JISAYA 9:10

Paimbuoron ru Tuhan no pantula' nilono koson mamulunsar risilo.

JISAYA 9:9

“Baloi-baloi binaal intor ra bata napuut noyo, kaa' baalon mai sagulio' baloi-baloi no intor ra batu pinopol. Puun ru nunuk tinagar, kaa' aligin mai ra tataun sidar ondo' moonsoi kaga'.”

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 23:27

Pangkaraan nilo ra inupi-inupi ondo' tinunung risilo no nangkinibit ra ulun Kuno nampalilian Raki' koson ra kinamatuaan nilo nampalilian Raki', am siminamba ra Baal.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

YEHEZKIEL 23:35

Gitio noyo ragu ru Tuhan Raja', “Sabap ra nakalilian kono Raki' am niayuk nanalikur Raki', mansaan kou ra kaimbalaan kinibit ru guang malaai am kandoi mantalan ra inan muno.”

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

AMOS 1:10

Ginio ra atarin Ku apui giu' ra timbok ru bandar Tirus am solobon kubu-kubu nano.”

AMOS 1:12

Ginio sabap ra atarin Ku apui giu' ra bandar Timan am solobon kubu-kubu ru Bojra.”

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

AMOS 1:4

Ginio ra atarin Ku apui ra istana ondo' binaal ru Raja' Gajail am monolob ra kubu-kubu ru Raja' Bingadad.

AMOS 2:5

Ginio ra atarin Ku apui giu' ra pagun ru Jiuda am solobon kubu-kubu ru Jirusalim.”

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

SAGULION 32:18

Nalilianan nilo i Aki Kapuuno', Mamamayag ondo' mapanggol, Nanaak Io risilo ra kaayagan.