GOSIA 7:8 - Tanou Moonsoi Timugon

⁸ Indagu Tuhan, “Ulun ru Israil koson ra ruti' naintanga' naansak. Lumansan ilo ra bansa'-bansa' ra libung nilo.

GOSIA 7:8 ပူးပေါင်းရင်းမြစ်များ

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

IJRA 9:1

Kopongo ngaangai' no pinaugar, kukula' ngaulun tingganai ru Israil minatong raki'. Nambala' ilo ra mamagun ru Israil, nakaaya' imam-imam am ulun ru Liwi kalo siminuai intor ra bansa'-bansa' ondo' minayan giu' ra liliut nilo, iono bansa' ru Amon, Moab, Misir, Kanaan, Git, Piris, Jibusi am Amori. Nambaal ilo niayuk ra binaal malaat ru bansa'-bansa' raginio.

IJRA 9:12

Nabi-nabi no nambala' ramon ra kalo iowon akai matagandu' ra mamagun toojo kapoam mangindangan risilo masauk ra langkaya' am makakaansayan. Amon ru gumagaya' akai, masauk akai ra maikang am makasia' ra ampos ru tana' no am niayuk makatungkus ginio ra papag mai ra sabubuoi no.

MAZMUR 106:35

Kaa' natagandu' ilo piboo ra bansa'-bansa' raginio; am nanilu ra kaayagan ru ulun ondo' kalo makaulig ri Aki Kapuuno'.

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

GOSIA 5:7

Kalo gumagaya' ilo ra Tuhan; anak-anak nilo sala' ka anak-anak Nano. Ginio ra, kalo boo mabuoi ilo am tana' nilo pusoon.

GOSIA 7:9

Kalo nakaliman ilo ra binaal ragitio nampalawo risilo. Pupus ru bayag nilo mamaar noyo, kaa' kalo nakapandai ilo.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

MALIAKI 2:11

Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.