GOSIA 7:7 - Tanou Moonsoi Timugon

⁷ Ralalom ru sangit, namatoi ilo ra tingganai-tingganai nilo. Raja'-raja' nilo pinatoi rondo' am rondo', kaa' kolondo' sangulun pana nakiasi' Raki' koson makiindangan.”

GOSIA 7:7 ပူးပေါင်းရင်းမြစ်များ

1 RAJA'-RAJA' 15:28

Kasaukan ragitio nasauk paat ra bilor katalu ru pamarintaan ru Raja' Asa giu' ra Jiuda. I Baisa pana namalit ra Raja' Nadab koson raja' ru Israil.

1 RAJA'-RAJA' 16:18

Paat ra Raja' Jimri nakakito ra bandar no kinala noyo, subol io ra ralalom ru kubu giu' ra tampilon ralalom ru istana. Kopongo raginio nonolob io ra istana no, am minatoi io ralalom ru nasalaban no.

1 RAJA'-RAJA' 16:22

Pupus no ulun ondo' minaya' ri Omri namanang. I Tibni minatoi am i Omri nasauk ra raja'.

2 RAJA'-RAJA' 10:14

Panusub Raja' Jigu ra ulun-ulun nano, “Rokopo' min ilo!” Ulun-ulun nano pana namparakop risilo, am Raja' Jigu namatoi risilo mamaar ra rondo' tulubong. Ngaangai' no olo'-olo' 42 ngaulun, am sangulun pana kalo pinoloso naayag.

2 RAJA'-RAJA' 10:7

Kopongo ra ilo nakaapu ra surat ru Raja' Jigu, potoyo' nilo ngaangai' papag ru Raja' Agab, ondo' suang no tulu' ngoopor ngaulun. Pasuango' nilo ulu-ulu no ra kukula' bakul, am atari' ngaangai' no ra Raja' Jigu giu' ra Jijriil.

2 RAJA'-RAJA' 15:10

Paat ragili i Salum anak ri Jabis nakimaguum manggal ra Raja' Jakaria. Pinatoi ri Salum no Raja' Jakaria giu' ra Jibliam am minalit riso koson ra raja'.

2 RAJA'-RAJA' 15:14

Kopongo raginio i Minagim anak ri Gadi minugar intor ra Tirja minongoi ra Samaria am namatoi ra Raja' Salum. Minalit boo i Minagim riso koson ra raja'.

2 RAJA'-RAJA' 15:25

Paat ragili sangulun pagawai ru saujor ru Raja' Pikaya ondo' ininggalanan ri Pika anak ri Rimalia, nakimaguum ra limo ngoopor ngaulun intor ra Giliad. Kopongo raginio namatoi ilo ra Raja' Pikaya giu' ra kubu tampilon ralalom ru istana giu' ra Samaria, am minalit i Pika ra Raja' Pikaya koson ra raja'.

2 RAJA'-RAJA' 15:30

Paat ra bilor karuo ngoopor ra pamarintaan ru Raja' Jotam anak ungkuyon ru Raja' Ujia giu' ra Jiuda, i Gosia anak ri Ila nakimaguum koson manggal ra Raja' Pika. Pinatoi ri Gosia no Raja' Pika am minalit riso koson ra raja'.

2 RAJA'-RAJA' 9:24

Kaa' alapo' ri Raja' Jigu busur nano, am kinai' no ikang namanah ra Raja' Joram intor ra bakulung. Anak panah no nakatujok ra pusu' ru Raja' Joram am karatu' io am patoi giu' ra ralalom ru kurita' kuda nano.

2 RAJA'-RAJA' 9:33

Raja' Jigu pana mindagu risilo, “Papatiro' ruandu' no ra ragana'!” Ilo pana nampapatir ra ruandu' no ra ragana' saboi raraa' nano nakatakis ra timbok am ra kukula' ngainan kuda ra giu' no. Jinanjang ru Raja' Jigu no baangkai ri Ijibil ra kuda am kurita' kuda nano,

AYUP 36:13

Ulun ondo' kalo makaulig ri Aki Kapuuno', mambuli ra sangit; kabalu' pana ukumin, kalo makiasi' ilo ra makiindangan.

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

JISAYA 43:22

Tuhan mindagu, “Kaa' akau Israil, nasuraan kano Raki', kalo boo sumamba kau Raki'.

JISAYA 64:4

Kalo igondo' osoi-osoi pana makakito kapoam mangkirongog ra suai intor Rirun, mokoondo' i aki kapuuno' ondo' mambaal ra baal koson raginio ra ulun lumansan riso.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JISAYA 64:7

Kolondo' osoi pana makiasi' Rirun. Kolondo' osoi pana minggaar Rirun koson makiindangan. Nansibuni Kou intor ramon, am mopoloso ramon mapuso sabap ra tula mai.

JISAYA 9:13

Songorou ayuk Tuhan no mangukum ra tingganai-tingganai ru Israil am mamagun. Ulu ru Israil Ingguluin am iku' pututin No.

YEHEZKIEL 22:30

Maguyum aku ra sangulun ondo' makabaal ra timbok, ondo' makabigor giu' ra tampilon ra timbok ondo' nalunsai noyo koson mangampin ra pagun paat ra Aku masaga' mamuso raginio sabap ra sumangit Aku, kaa' kolondo' sangulun pana natuum Ku.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

GOSIA 13:10

Nakiani' kau ra raja' am tingganai, kaa' makapamayag ilo kia ra bansa' ti?

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

GOSIA 7:10

Kinalimbau ru ulun ru Israil makito toojo am nasauk ra inono' ru kasalaan nilo. Kabalu' pana ngaangai' nasauk noyo, kalo siminaguli' ilo Raki', Tuhan i Aki Kapuuno' nilo.

GOSIA 7:14

Kalo makiasi' ilo Raki' ra mabanis guang. Kaa' mampas ilo ra intok kaalangan am manulaboi koson ra binaal ru ulun ondo' kalo makaulig Raki'. Paat ra ilo makiasi' makitaak ra gandum am wain, pilaton nilo inan koson ra binaal ru ulun ondo' sumamba ra sinungkalalaing. Minanggal ilo Raki'!

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.